Qazaqstanda 2,5 myńǵa jýyq fermerge 70 mlrd teńge kóleminde memlekettik kómek kórsetildi, dep habarlaidy "Ult aqparat".
«Agrarlyq nesie korporatsiiasy «Keń dala» baǵdarlamasy boiynsha kóktemgi dala jumystaryn qarjylandyrýdy 35 kún ishinde aiaqtady. 2 405 fermer jyldyq 5% eseppen 70 mlrd teńge aldy. Memlekettik qoldaýǵa ie bolǵandardyń 95 paiyzy shaǵyn jáne orta biznes ókili. Egis maýsymyna deiin fermerlerdiń ainalym qarajatyn toltyrý úshin Memleket basshysynyń tapsyrmasymen ótken jyldarmen salystyrǵanda respýblikalyq biýdjetten 10 mlrd teńge artyq qarajat bólindi. Sondai-aq qarjylandyrýdyń jeńildetilgen stavkasy 5 paiyzǵa deiin tómendetildi», - dep atap ótilgen QR AShM baspasóz qyzmetiniń málimetinde.
Tótenshe jaǵdaidyń engizilýine bailanysty shekteýlerge qaramastan, Agrarlyq nesie korporatsiiasy fermerlerdi qarjylandyrýdy qysqa merzimde, iaǵni egis maýsymyna deiin aiaqtady. Memlekettiń kómegin 2 405 fermer aldy, olardyń kópshiligi Túrkistan oblysyndaǵy shaǵyn sharýashylyqtar.
«Keń dala» baǵdarlamasyna qatysýǵa ótinish bergen fermerlerdiń 126-sy 100 mln teńgeden astam qarjyǵa ie boldy. 194 fermerge ortasha eseppen 57 mln teńgeden berildi.
Memlekettik kómek alǵandardyń 90 paiyzǵa jýyǵy shaǵyn sharýa qojalyqtary. 2085 fermer ortasha eseppen 6,1 mln teńgeden aldy. Bul rette eń az nesie 600 myń teńgeni qurady.
Prezident Qasym-Jomart Toqaevtyń tapsyrmasymen kóktemgi dala jumystaryn júrgizý úshin «Qarapaiym zattar ekonomikasy» baǵdarlamasynda qosymsha kómek qarastyrylǵanyn atap ótken jón. Oǵan ótinishter qabyldaý bastalyp ketti.
Qosymsha 100 milliard teńge de Agrarlyq nesie korporatsiiasy arqyly beriledi. Qaryz alýshylar úshin paiyzdyq syiaqy mólsherlemesi jyldyq 6 paiyzdy quraidy, sondai-aq barlyq daqyldardy egý úshin qarjylandyrý qoljetimdi bolady.
