2021 jylǵy 5 sáýirde Nur-Sultan qalasynda Ystambuldaǵy «Abai Üii» mádeni iskerlik úiiniń jetekshisi Dinchtýrk Serkan men Túrkiianyń Fenerbahce klýby janyndaǵy Qazaqstan fýtbol akademiiasynyń bas úilestirýshisi Výrgýn Selim «Dúniejúzi qazaqtarynyń qaýymdastyǵy» RQB men «Otandastar qory» KeAQ ókilderimen kezdesti.
Taraptar Fenerbahce sport klýby janynan Qazaqstan fýtbol akademiiasyn ashý jobasyn talqylap,birlesken is-sharalar josparyn pysyqtady.
Fýtbol akademiiasynyń ókilderi atalǵan jobanyń basty maqsaty – Qazaqstannyń talantty jastarynyń kásibi sheberligin arttyryp, álemdik fýtbol komandalaryna tartý. Daryndy jastardy Eýropa memleketteri men Túrkiiaǵa shaqyrý múmkindigi qarastyrylǵan. Qazaqstan balalary Túrkiianyń jazǵy sport lagerlerine baryp, umytylmas áser ala alady. Sapar barysynda sporttyq jattyǵýlarǵa, fýtbolshylarmen tanysýǵa jáne Fenerbahce stadionynda ótkiziletin sporttyq is-sharalarǵa qatysýǵa múmkindik jasalady. Jas sportshylardyń jattyǵý sabaqtary aǵylshyn tilinde júrgiziletin bolady.
Túrkiianyń tanymal fýtbolshysy Mesýt Ozildiń qoltańbasy qoiylǵan klýb jeidesi «Otandastar qory» men «Dúniejúzi qazaqtarynyń qaýymdastyǵyna» syiǵa tartyldy.
