Qyzylorda oblysy Jańaqorǵan aýdanynyń turǵyny Faizýlla Sahiev naýqastardyń tezirek saýyǵýyna barynsha qaltqysyz qyzmet atqaryp júrgen aq halatty abzal jandarǵa alǵysyn jetkizedi, dep habarlaidy QazAqparat.
«Jaqynda pnevmoniiammen syrqattanyp qaldym. Ystyǵym kóterilip, tábetim bolmady. Osylaisha aýdandaǵy qosymsha ashylǵan №3 provizorlyq statsionarǵa tústim. Dárigerler jedel túrde qarap, diagnoz qoidy. Qajetti emdeý sharalarynyń nátijesinde 13 kún em aldym. Sol ýaqyt aralyǵynda syrqatymnan saýyǵyp otbasyma qýanyshpen oraldym», - dedi Qazaqstan Jýrnalister Odaǵynyń múshesi Faizýlla Sahiev.
Onyń aitýynsha, aýdan kóleminde ortalyq aýrýhanaǵa qosymsha úsh birdei provizorlyq ortalyqtar qurylǵan. Sol arqyly dárigerler aýrýdyń aldyn alyp, syrqattanǵan jandarǵa jedel meditsinalyq kómek kórsetip keledi. Bul naýqas jandaryń qajetti em-dom alýyna oń áserin tigizedi.
«Osy oraida №3 provizorlyq statsionardyń aq halatty abzal jandaryna aitar alǵysym sheksiz. Kún-tún demesten olar syrqat jandardyń janynan tabyldy. Jyly sózi, jaidary júzimen emd alǵandardyń kóńiline shyqty. Osylaisha júregi keń jandardyń isi men eńbegine riza boldym. Ásirese, dárigerler Jumash Merei, Baltabai Mahatov, aǵa meiirbike Turǵash Danieva, meiirbikeler Janar Omarova, Symbat Nurtasbek, Qalamqas Qanaibekova, Tilektes Salybekova osyndai qajyrly eńbegimen kózge tústi. Al Mádi Isaev, Aidos Sáýlebekov, Nurdaýlet Ábdiqalyq syndy mamandar tynymsyz qimyl jasap, jeńil qoldy shipasyn kórsetti. Ortalyqtyń sanitarlyq jaǵdaiyn qadaǵalap, múltiksiz oryndap otyratyn Gúlnar Omarova men Nursulý Abdlýllaevanyń da eńbegine emdelýshiler dál riza.
Iá, Gippokrat antyna adal bolý, halyqqa minsiz qyzmet jasap, kóptiń oiynan tabylyp, aq halattynyń abyroiyna daq túsirmei alǵysqa bólený – baqyttyń biigi. Endeshe mereileriń ústem bolyp, alǵysqa bólene berińizder deimiz», - dedi F.Sahiev.
