Foto: EmiliaUngur/Shutterstock.com
Qazaqstanda keibir dári-dármek, mailar men eritindiler aitarlyqtai qymbattaýy múmkin. Farmatsevter osyndai alańdaýshylyǵyn bildirdi. Bul dárihana óndirisiniń assortimentine áser etedi. Qazir elde mundai kásiporyn sany - 126. Negizgi másele importtyq farmatsevtikalyq sýbstantsiialardy tirkeý men sertifikattaýdyń jańa talaptaryna bailanysty bolyp otyr, - dep habarlaidy Tengrinews.kz agenttigi "Habar 24" telearnasyna silteme jasap.
Ony normativtik-quqyqtyq aktilerdi tekserý barysynda tirkeý usynylǵan. Qazir shikizat 99,9 paiyzǵa importtalady. Eýropadan, Qytaidan, Reseiden óndirýshi zaýyttardyń halyqaralyq sertifikattary boiynsha ákelinedi. Alaida jergilikti tirkeý uzaq ári qymbat protsedýra sanalady. Ásirese, zattar az mólsherde óndiriletin sirek preparattar úshin qajet bolsa, osylai júrgiziledi.
"Munyń bári kúshine ense, biz jabylamyz. Jumys istei almaimyz, óitkeni Qazaqstanda sýbstantsiialardyń baǵasy aqylǵa syimaityndai deńgeide bolady. Olar bizge jumys isteýge múmkindik bermeidi. Eger biz ákelingen árbir zatty zańda belgilengen tártippen tirkeýimiz kerek dep eseptesek, onda baǵa keminde bes ese artady", - dedi farmatsevtikalyq kompaniia direktory Olga Tseits.
Alaida Densaýlyq saqtaý ministrligi ókili bul negizsiz alańdaýshylyq ekenin málimdedi.
"Bul alańdaýshylyq negizsiz, óitkeni bul tarmaqty biznes qoǵamdastyqqa da, bizge de, iaǵni memlekettik organǵa da yńǵailaǵymyz keledi", - dedi Densaýlyq saqtaý ministrliginiń basqarma basshysy Erik Qulshanov.
