فوتو: EmiliaUngur/Shutterstock.com
قازاقستاندا كەيبٸر دەرٸ-دەرمەك, مايلار مەن ەرٸتٸندٸلەر ايتارلىقتاي قىمباتتاۋى مٷمكٸن. فارماتسەۆتەر وسىنداي الاڭداۋشىلىعىن بٸلدٸردٸ. بۇل دەرٸحانا ٶندٸرٸسٸنٸڭ اسسورتيمەنتٸنە ەسەر ەتەدٸ. قازٸر ەلدە مۇنداي كەسٸپورىن سانى - 126. نەگٸزگٸ مەسەلە يمپورتتىق فارماتسەۆتيكالىق سۋبستانتسييالاردى تٸركەۋ مەن سەرتيفيكاتتاۋدىڭ جاڭا تالاپتارىنا بايلانىستى بولىپ وتىر, - دەپ حابارلايدى Tengrinews.kz اگەنتتٸگٸ "حابار 24" تەلەارناسىنا سٸلتەمە جاساپ.
ونى نورماتيۆتٸك-قۇقىقتىق اكتٸلەردٸ تەكسەرۋ بارىسىندا تٸركەۋ ۇسىنىلعان. قازٸر شيكٸزات 99,9 پايىزعا يمپورتتالادى. ەۋروپادان, قىتايدان, رەسەيدەن ٶندٸرۋشٸ زاۋىتتاردىڭ حالىقارالىق سەرتيفيكاتتارى بويىنشا ەكەلٸنەدٸ. الايدا جەرگٸلٸكتٸ تٸركەۋ ۇزاق ەرٸ قىمبات پروتسەدۋرا سانالادى. ەسٸرەسە, زاتتار از مٶلشەردە ٶندٸرٸلەتٸن سيرەك پرەپاراتتار ٷشٸن قاجەت بولسا, وسىلاي جٷرگٸزٸلەدٸ.
"مۇنىڭ بەرٸ كٷشٸنە ەنسە, بٸز جابىلامىز. جۇمىس ٸستەي المايمىز, ٶيتكەنٸ قازاقستاندا سۋبستانتسييالاردىڭ باعاسى اقىلعا سىيمايتىنداي دەڭگەيدە بولادى. ولار بٸزگە جۇمىس ٸستەۋگە مٷمكٸندٸك بەرمەيدٸ. ەگەر بٸز ەكەلٸنگەن ەربٸر زاتتى زاڭدا بەلگٸلەنگەن تەرتٸپپەن تٸركەۋٸمٸز كەرەك دەپ ەسەپتەسەك, وندا باعا كەمٸندە بەس ەسە ارتادى", - دەدٸ فارماتسەۆتيكالىق كومپانييا ديرەكتورى ولگا تسەيتس.
الايدا دەنساۋلىق ساقتاۋ مينيسترلٸگٸ ٶكٸلٸ بۇل نەگٸزسٸز الاڭداۋشىلىق ەكەنٸن مەلٸمدەدٸ.
"بۇل الاڭداۋشىلىق نەگٸزسٸز, ٶيتكەنٸ بۇل تارماقتى بيزنەس قوعامداستىققا دا, بٸزگە دە, ياعني مەملەكەتتٸك ورگانعا دا ىڭعايلاعىمىز كەلەدٸ", - دەدٸ دەنساۋلىق ساقتاۋ مينيسترلٸگٸنٸڭ باسقارما باسشىسى ەرٸك قۇلشانوۆ.
