Búgin Elbasynyń "Uly dalanyń jeti qyry" atty maqalasy jaryq kórgen bolatyn. Osy maqalaǵa bailanysty «Nur Otan» partiiasynyń Hatshysy Farhad Qýanǵanov óz pikirin bildirdi.
«Uly dalanyń jeti qyry» atty maqalasynda N.Á.Nazarbaev ózin qazaqtardyń tarihi júrip ótken jolyn dáiekti túrde kórsete otyryp, qazaq halqynyń ár kezeńdegi tarihi muralaryn bir arnaǵa toǵystyra bilgen, intellektýaldy, keń aýqymdy rýhani Kóshbasshy retinde kórsetip otyr.
Dańqty babalar men kóne tarihtyń ulylyǵyn seziný - ár qazaqtyń boiynda bar. Bul sezim - qazaqtyń dúnietanymynyń, ulttyq kodynyń myzǵymas bir bólshegi. Elbasy maqalasy osy jaitty tarihi derektermen, jetistiktermen dáleldeidi.
Bul túrki dúniesiniń álem órkenietine qosqan úlesi jaily aitylǵan pikirlerdiń shyńy ekenin atap ótý kerek.
Sheteldik ǵylym sońǵy onjyldyqta túrkilerdiń órkeniet jolyndaǵy jetistikteri jaily úlken maǵlumat jinady. Qazirgi tarihshylar Ál-Farabisiz, Ulyqbeksiz, Birýnisiz qazirgi matematikany, astronomiia men kosmetologiiany, Ibn-Sinasyz qazirgi meditsinany elestetý múmkin emestigin aitady. Shoiyn bolatty óndirý de eń alǵash Ortalyq Aziiadaǵy Altai taýynda bastalǵan. Álemdegi eń úzdik maqta jáne jibek matalar da Ortalyq Aziiadaǵy ortaǵasyrlyq qalalarda shyǵarylǵan.
Álemdik ǵylym Ortalyq Aziia aimaǵyn qazirgi órkeniet damýynyń birden bir tarihi ortalyǵy dep baǵalaidy. Ortalyq Aziianyń damýynyń ortaǵasyrlyq dáýiri tarihtaǵy eń iri qalalar men kitaphanalar, observatoriialar men filosofiialyq, tehnologiialyq mektepterdi qalyptastyrdy. Tarihtaǵy iri injenerlik jáne sýarý qondyrǵylary Ortalyq Aziiada ornalasqan. Túrli etnostardyń mádenieti men dininiń qainaǵan qazany boldy. Islamdaǵy eń kórnekti esimderdiń biri – Ál-Buhari de Ortalyq Aziiada týypty.
Elbasymyzdyń ata-babalarymyzdyń órkeniettik álemniń damýyna qosyp kele jatqan tarihi úlesin jańǵyrtýǵa baǵyttalǵan iri jobalary qazirgi qazaqstandyqtardyń, ásirese, jas urpaqtyń rýhani jańarýy men básekege qabilettiligin arttyrýǵa zor yqpal etedi.
Men ózimizdi qazir asqar shyńdarǵa jetelep, kúsh beretin alpaýyt ata-babalarymyzdyń iyǵynda turǵandai sezinemin.
Bul damýdyń ekonomika, ónerkásip, ǵylym jáne tehnologiia, memleket, meditsina jáne bilim berý, áleýmettik damý jáne áleýmettik jańǵyrý siiaqty salalaryndaǵy talantty izdenýshilerge arnalǵan eń kúshti motivatsiia.
Shyǵarmashylyq intelligentsiia – ǵalymdar, tarihshylar, saiasi qairatkerler, oishyldar, jýrnalister, jazýshylar men aqyndar Memleket basshysynyń jańa bastamalaryna jaýap berip, qoldaý kórsetetinine senimdimin.
