2019 jyly hakerler bailanys nómirleri boiynsha jarty milliard qoldanýshynyń jeke deregin urlaǵan. Ótken demalys kúnderi 533 mln Facebook qoldanýshycynyń jeke derekteri hakerlik forýmda jariialanǵan. Bul jaǵdaiǵa kompaniia ókilderi túsinik berip, qaýipsizdik baptaýlaryna abai bolýǵa shaqyrdy, dep habarlaidy The Business Times.
«Qaskúnemder bul derekterdi bizdiń júieni buzý arqyly emes, veb-skreiping dep atalatyn platformadan derekterdi urlaý joly arqyly alǵan», - dep málimdedi Facebook-tyń ónimderdi basqarý boiynsha direktory Maik Klark.
Derekter abonentterdiń telefon nómirlerin, týǵan kúnderin jáne elektrondy poshta mekenjailaryn qamtydy, al keibir málimetter, amerikalyq BAQ-tyń habarlaýynsha, mańyzdy bolyp shyqty.
Facebook-tiń aitýynsha, urlanǵan derekterde kilt sózder nemese paidalanýshylardyń qarjylyq derekteri bolmady.
Veb-sait betterinen derekterdi shyǵarý (veb - skraping) - bul Internette bólisýge qoljetimdi aqparatty jinaý úshin avtomattandyrylǵan baǵdarlamalyq jasaqtamany qoldanýdy qamtityn taktika.
Maikl Klark áleýmettik jeli qoldanýshylaryn basqalarǵa qandai aqparat kórinetinin baqylaý jáne eki faktorly aýtentifikatsiia arqyly eseptik jazbanyń qaýipsizdigin arttyrý maqsatynda qupiialylyq parametrlerin tekserýge shaqyrdy.
Bul álemdegi eń úlken áleýmettik jeliniń eki milliardqa jýyq paidalanýshysy bar derekterdiń jariia bolýy nemese paidalaný Facebook týraly pikirtalas týdyrǵan alǵashqy jaǵdai emes.
Aita ketsek, 2016 jyly britandyq konsaltingtik firma Cambridge Analytica tóńiregindegi janjal milliondaǵan Facebook qoldanýshylarynyń jeke derekterin maqsatty saiasi jarnamalardy taratý úshin paidalanǵan edi. Bul áleýmettik jelige jaǵymsyz áser etti.
