- «Astana EKSPO-2017» ulttyq kompaniiasynyń qoǵammen bailanys departamenti direktorynyń orynbasary Aqsulý Sanǵalidiń aitýynsha, atalǵan oqiǵa boiynsha arnaiy komissiia qurylyp, táýelsiz saraptama jasaldy, dep xabarlaidy "Ult aqparat".
«Keshe biz sarapshylardyń zertteý nátijelerin aldyq. Olar qurylys barysynda paidalanylǵan materialdardy tekserip, dekorativti konstrýktsiianyń qurylysy men jobalyq jumystaryn zerdelep shyqty. Saraptama nátijesinde komissiia konstrýktsiianyń qulaýyna jobalyq kemshilikter sebep boldy degen sheshimge keldi. Kórme keshenin tapsyrys berýshi áli qabyldaǵan joq. Sondyqtan barlyq shyǵyndardy merdiger kompaniia - BI Group óteidi», - dedi A.Sanǵali.
Jobalaý kezinde qurylys meterialdary, iaǵni metall konstrýktsiialary durys tańdalmady. Sonyń saldarynan kórme alańyndaǵy eń uzyn dekorativti element opyrylyp tústi. Búginde osy ispetti basqa da konstrýktsiialardy kúsheitý jumystary júrgizilip, árbir dekorativti elementtiń ortasyna qosymsha tireýishterdi ornatýǵa sheshim qabyldandy.
Aita keteiik, qarashanyń 16-sy kúni Astanada salynyp jatqan EKSPO-2017 kórmesiniń úlken ǵimaraty qaq ortasynan opyrylyp tústi.
«Astana EKSPO - 2017» ulttyq kompaniiasy birden apatqa BI Group-tyń jaýap beretinin málimdedi.
Birneshe kúnnen keiin kompaniia basshysy Aidyn Rahymbaev EKSPO aýmaǵyndaǵy dekorativti element qatty aiaz ben qytailyq metaldyń saldarynan qulady dep boljam jasady.
