22 qarashada ashylǵan EXPO-2020 Dubai dúniejúzilik kórmesindegi Qazaqstan Respýblikasynyń Ulttyq pavilonynda Shymkent qalasynyń kúnderi ótip jatyr, dep habarlaidy QazAqparat.
Is-sharalar aiasynda elimizdiń eń iri óńirleriniń biriniń túrli iskerlik jáne mádeni sharalaryn ótkizý josparlanǵan. Úsh kún boiy Qazaqstannyń ońtústik óńiriniń mádenieti, óneri, rýhani qundylyqtary men qonaqjailylyǵy tanystyrylady.
Ashylý saltanatyna Shymkent qalasy ákiminiń birinshi orynbasary Shyńǵys Muqan, qala ákiminiń orynbasary Aibek Sáttibaev jáne Shymkent qalasynyń biznes-qoǵamdastyqtarynyń delegatsiiasy qatysty.
Dúniejúzilik kórme qonaqtaryna jergilikti taýar óndirýshilerdiń, atap aitqanda, elimizde jáne shetelde tanymal Bal Textile, Akniet Pharmaceuticals kompaniiasynyń ónimderi tanystyrylyp, sondai-aq «Sandyq» ulttyq taǵamdar meiramhanasy kelgenderge esigin aiqara ashty.
Sonymen qatar qonaqtarǵa virtýaldy 3D-kózildirik, týristik AR-kitaptar jáne imidjdik beinerolikter arqyly Shymkent qalasynyń týristik múmkindikteri kórsetildi.
Is-shara qorytyndysy boiynsha álemniń túrli elderinen kelgen qonaqtar men qatysýshylar óńirge joǵary qyzyǵýshylyq tanytyp, óńirmen budan ári de qyzmettiń ártúrli salalarynda halyqaralyq yntymaqtastyq ornatýdyń damý áleýetine toqtalyp ótkenin atap ótken jón.
