Exit poll nátijesi boiynsha 9 maýsymda ótken QR Prezidentiniń kezekten tys sailaýy barysynda sailaýshylardyń 70,13 protsenti kandidat Qasym-Jomart Toqaevqa daýys bergen. Bul týraly elordadaǵy Ortalyq kommýnikatsiialar qyzmetinde ótken brifingte «Qoǵamdyq pikir» institýtynyń keńes tóraiymy Ainur Májitova málim etti, dep habarlaidy "Ult aqparat".
«Qoǵamdyq pikir» institýty búgin kúni boiy sailaý ýchaskeleriniń shyǵa berisinde azamattar arasynda áleýmettik zertteý, iaǵni Exit poll júrgizdi. Suhbattasýshylar 325 sailaý ýchaskesinde saýalnama júrgizdi. Onyń ishinde oblys ortalyqtyry men Nur-Sultan, Almaty jáne Shymkent qalalarynda 97 ýchaske, shaǵyn qalalarda 94 ýchaske, al aýyl okrýgterinde 134 ýchaske qamtyldy», - A. Májitova.
Onyń aitýynsha, sailaý kúni «Qoǵamdyq pikir» institýty Exit poll-dyń halyqaralyq standartty ádistemesi boiynsha, sailaý ýchaskesine barǵan sailaýshylar arasynda saýalnama ótkizgen. Olarǵa «Siz qai kandidatqa daýys berdińiz?» degen bir ǵana saýal qoiyldy. 9 maýsymda tańǵy saǵat 7:00-den keshki 20:00-ge deiin saýalnamanyń 6 tolqyny ótti. Nátijesinde 13 myń 200 sailaýshy arasynda saýalnama júrgizildi.
«Irikteme qateligi shamamen 3 paiyzdy quraidy. Saýalnama júrgizý jumysyna 350-den astam interviýer qatysty», - dedi Májitova.
Sonymen, Exit-poll nátijesi kelesidei: Qasym-Jomart Toqaevqa - 70,13 paiyz, Ámirjan Qosanovqa - 15,39 paiyz, Daniia Espaevaǵa - 5,32 paiyz, Jambyl Ahmetbekovke - 3,86 paiyz, Tóleýtai Raqymbekovke - 3,03 paiyz, Amangeldi Taspihovqa - 1,41 paiyz, Sádi-Bek Túgelge - 0,86 paiyz daýys jinady.
Eske sala ketsek, búgin Qazaqstan Prezidentin kezekten tys sailaýy ótti.
QR Prezidentiniń kezekten tys sailaýynda el ishinde jáne shet elderde 9 968 daýys berý ýchaskesi jumys istedi. Sailaý týraly Konstitýtsiialyq zańǵa sáikes, daýys berý ýaqyty standartty (saǵat 7.00-20.00 aralyǵy) bolady. Batys Qazaqstan, Aqtóbe, Atyraý, Mańǵystaý, Qyzylorda oblystarynda ýaqyt aiyrmashylyǵyna bailanysty sailaý ýchaskeleri jergilikti ýaqyt boiynsha saǵat 07.00-de - Nur-Sultan ýaqyty boiynsha saǵat 08.00-de ashyldy.
Budan buryn habarlanǵandai, Ortalyq sailaý komissiiasy tóraǵasynyń orynbasary Konstantin Petrov Exit poll nátijesi daýys berý aiaqtalǵannan keiin ǵana jariia etilýi tiis ekenin eskertken edi.
Exit poll - daýys bergen sailaýshylardyń arasynda jasyryn saýalnama júrgizýdiń bir túri. Sonyń negizinde sailaýdyń nátijesine boljam jasalady.
