Seisenbi kúni Italiianyń Týrin qalasyndaǵy «Palaolimpico» arenasynda «Evrovidenie-2022» halyqaralyq án baiqaýynyń resmi ashylý saltanaty ótti, dep habarlaidy QazAqparat Italiianyń RAI telearnasyna silteme jasap.
Keshe án baiqaýynyń birinshi jartylai finalyn RAI arnasynan 5 507 000 kórermen tamashalaǵan. Atalǵan kórsetkish italiandyq telekórermenderdiń jalpy aýditoriiasynyń 27%-yn quraidy. Bul – italiandyq qoǵamdyq telearnadaǵy «Evrovidenie» habarlarynda buryn-sońdy bolmaǵan nátije.
Finalǵa «Stefania» ánimen ýkrainalyq «Kalush Band» toby shyqty. Úzdik ondyqqa Frantsiia, Germaniia, Ispaniia, Ulybritaniia jáne Italiianyń shyǵarmashylyq ujymdary men ártisteri endi. Birinshi jartylai finalda kórermender barlyǵy 16 kompoziiatsiiany tyńdady.
«RAI úshin Italiiadaǵy «Evrovidenie» án baiqaýyn ótkizý úlken mártebe. Bul – jastarǵa baǵyttalǵan eýropalyq úlken shara. Bizdiń telearna úshin, el úshin «Evrovidenie-2022» baiqaýy erekshe mańyzǵa ie», – dedi telearnasynyń bas direktory Karlo Fýortes.
