Kievte «Evrovidenie-2017» halyqaralyq baiqaýynyń aqtyq saiysy ótti. Portýgaliialyq Salvador Sobral dástúrli án dodasynyń jeńimpazy boldy, dep habarlaidy "Ult aqparat".
Finalda 9 jáne 11 mamyr kúnderi Kievte ótken eki jartylaifinaldyq kezeńderden súrinbei ótken 20 ánshi, sondai-aq «Evrovidenie»-niń negizgi bes demeýshisi - Ulybritaniia, Frantsiia, Germaniia, Ispaniia, Italiianyń jáne baiqaýdy qabyldaýshy el - Ýkrainanyń ókilderi baq talastyrdy.
Baiqaýdyń sheshýshi kezeńin qazaqstandyqtar «Habar» telarnasynan tikelei efirden tamashalady.
Býkmekerler birinshi oryndy finalǵa avtomatty túrde ótken italiialyq Franchesko Gabbani ielenetindigin boljaǵan edi. Olardyń paiymynsha, ekinshi oryndy Portýgaliia ánshisi Salvador Sobral, al úshinshi oryndy 17 jastaǵy bolgarlyq Kristian Kostov alýy tiis bolatyn.
Sheshýshi dodada «Beautiful Mess» ánin oryndaǵan Kostov qazaqqa jien bolyp keledi. Ol Máskeýde dúniege kelgen. Onyń ákesi Konstantin - bolgar, anasy Záýre - qazaq. Záýre 1985 jyly Máskeýdegi institýtqa oqýǵa túsip, ony aiaqtaǵannan keiin Reseide qalady. Ánshiniń ata-anasy onyń ónerge degen qulshynysyna qoldaý bildirip, tórt jasynda «Neposedy» tanymal stýdiiasyna jibergen. Anasynyń aitýynsha, Kristian qazaq tilin jaqsy túsinedi. Sebebi, Záýre Máskeýde biznespen ainalysyp júrgende, ony naǵashy atasy men ájesi tárbielegen eken. Aita keteiik, bir suhbatynda Kostov óziniń ánshilik qabileti naǵashy atasynan daryǵanyn aitqan-tyn. «Meniń naǵashy atamnyń jasy 85-te. Otbasylyq basqosýlarda ándi keibir estrada ánshilerinen kem aitpaidy. Onyń daýysyn tyńdap otyryp, ózimniń mýzykalyq qabiletimniń qaidan kelgenin túsinemin», - degen bolatyn ol.
Qazylar alqasy men kórermenderdiń daýys berý nátijesi boiynsha birinshi oryndy Portýgaliia ókili Salvador Sobral jeńip aldy - 758 daýys.
Ekinshi oryn Kristian Kostovqa buiyrdy - 615 daýys.
Úshinshi orynǵa Moldovadan kelgen SunStroke Project toby laiyq dep tabyldy - 374 daýys.
Baiqaý sharttaryna «Evrovidenie-2018» jeńimpaz memlekette, iaǵni - Portýgaliiada ótedi.
Aita keteiik, portýgal júrek aýrýyna bailanysty konkýrstyń ashylýyna 7 mamyrda ǵana kelgen jáne daiyndyqtarǵa qatyspaǵan. Bala kezinen júregi aýyratyn 27 jastaǵy ánshi, BAQ-tyń málimetinshe, jyl sońyna deiin donor tabýy tiis.
