Gýmilev atyndaǵy Eýraziia ulttyq ýniversiteti ókilderi jataqhanalardyń birinde sailaýǵa shaqyrýǵa qatysty túsirilgen videoǵa túsinikteme berdi, - dep habarlaidy Massaget.kz portaly.
Videoda oqý ornynyń qyzmetkeri stýdentterge olar jataqhanada turatyndyqtan, daýys berýge mindetti ekenin aitady.
"Osy jataqhananyń ishinde turǵan soń, ýchaske osy aimaqta bolǵan soń túske deiin daýys berýlerińiz kerek. Daýys berýge shyqqanda durystap kiinip shyǵamyz. (...) Ol jerde shetelden kelgen baqylaýshylar otyrady. Tańǵy 7-den keshki 8-ge deiin. Aralaryńyzda "barǵym kelmeidi" deitinder bolatyn shyǵar. Olai bolmaýy kerek", - deidi videodaǵy áiel adam stýdentterge.
Oqý orny ókilderi ýniversitet basshylyǵy sailaýǵa mindetti túrde qatysýǵa shaqyrýǵa jol bermeý ustanymynda ekenin aitty.
"Ózge qaladan kelgen stýdentter, birinshi kýrstaǵylar jáne jataqhanada turatyndar SMS-habarlamadan keiin pedagog uiymdastyrýshyǵa júginip, daýys berý jáne sailaý ýchaskeleriniń mekenjaiy týraly suraǵan bolatyn. Jataqhana pedagogi stýdentterdiń suraǵyna jaýap berip, sonymen qatar, etiket erejesin saqtaý keregin atap ótti", - delingen habarlamada.
Odan bólek, oqý orny ókilderiniń sózinshe, qyzmetkermen túsindirme jumystary júrgizilgen.
"Ýniversitet qyzmetkerge ne stýdentterge qandai da bir nársege májbúrlemeitinin jáne Qazaqstan Respýblikasy azamattarynyń zańmen berilgen barlyq quqyǵyn qatań saqtaidy", - dedi EUÝ ókilderi.
