Eýroaimaqta jumyssyzdyq deńgeii aqpannan naýryzǵa deiin 7,3%-dan 7,4%-ǵa deiin ósken. Odaqtyń 27 memleketinde bul kórsetkish 6,6%-ǵa deiin artqan, dep habarlaidy Euronews.
Sońǵy eki aida 373 myń nemis jumysynan aiyrylǵan. Buǵan koronavirýs pen Germaniiadaǵy karantin sebepshi bolyp otyr. GFR-de jumyssyzdyq deńgeii 5%-dan 5,8%-ǵa ósken. Bul degenimiz 2 mln 600 myń adam turaqty tabys kózinen aiyrylǵan.
Ispaniiada osy kezeńde 120 myń azamat jumyssyz qalǵan. Olardyń jalpy sany 3 mln 300 myńǵa jetti.
Sarapshylar jaǵdai budan da nashar bolýy múmkin dep otyr. Birqatar Eýropa eliniń úkimeti jappai jumyssyzdyqtyń aldyn alý úshin kompaniia qyzmetkerleriniń basym bóliginiń jalaqysyn tóleýge mindetteldi. Frantsiiada 8 mln adam jumyssyzdyq úshin memleketten ótemaqy alyp jatyr.
«Úkimet olarǵa aitarlyqtai kómek kórsetip jatyr. Biraq, bul jaǵdai uzaqqa sozylǵan saiyn, kóptegen adamdar osyndai qiyndyqqa tap bolǵan saiyn jumyspen qamtýdyń kýmýliativti protsesine ákelip soqtyrý yqtimaldyǵy joǵary. Jiyntyq suranystyń qysqarýy jumyssyzdyqtyń odan ári artýyna sebepshi bolady. Qaýip osynda jatyr», - dedi Bruegel analitikalyq ortalyǵynyń direktory Gýntram Volff.
