ەۋروايماقتا جۇمىسسىزدىق دەڭگەيٸ اقپاننان ناۋرىزعا دەيٸن 7,3%-دان 7,4%-عا دەيٸن ٶسكەن. وداقتىڭ 27 مەملەكەتٸندە بۇل كٶرسەتكٸش 6,6%-عا دەيٸن ارتقان, دەپ حابارلايدى ەuronews.
سوڭعى ەكٸ ايدا 373 مىڭ نەمٸس جۇمىسىنان ايىرىلعان. بۇعان كوروناۆيرۋس پەن گەرمانيياداعى كارانتين سەبەپشٸ بولىپ وتىر. گفر-دە جۇمىسسىزدىق دەڭگەيٸ 5%-دان 5,8%-عا ٶسكەن. بۇل دەگەنٸمٸز 2 ملن 600 مىڭ ادام تۇراقتى تابىس كٶزٸنەن ايىرىلعان.
يسپانييادا وسى كەزەڭدە 120 مىڭ ازامات جۇمىسسىز قالعان. ولاردىڭ جالپى سانى 3 ملن 300 مىڭعا جەتتٸ.
ساراپشىلار جاعداي بۇدان دا ناشار بولۋى مٷمكٸن دەپ وتىر. بٸرقاتار ەۋروپا ەلٸنٸڭ ٷكٸمەتٸ جاپپاي جۇمىسسىزدىقتىڭ الدىن الۋ ٷشٸن كومپانييا قىزمەتكەرلەرٸنٸڭ باسىم بٶلٸگٸنٸڭ جالاقىسىن تٶلەۋگە مٸندەتتەلدٸ. فرانتسييادا 8 ملن ادام جۇمىسسىزدىق ٷشٸن مەملەكەتتەن ٶتەماقى الىپ جاتىر.
«ٷكٸمەت ولارعا ايتارلىقتاي كٶمەك كٶرسەتٸپ جاتىر. بٸراق, بۇل جاعداي ۇزاققا سوزىلعان سايىن, كٶپتەگەن ادامدار وسىنداي قيىندىققا تاپ بولعان سايىن جۇمىسپەن قامتۋدىڭ كۋمۋلياتيۆتٸ پروتسەسٸنە ەكەلٸپ سوقتىرۋ ىقتيمالدىعى جوعارى. جيىنتىق سۇرانىستىڭ قىسقارۋى جۇمىسسىزدىقتىڭ ودان ەرٸ ارتۋىنا سەبەپشٸ بولادى. قاۋٸپ وسىندا جاتىر», - دەدٸ Bruegel اناليتيكالىق ورتالىعىنىڭ ديرەكتورى گۋنترام ۆولفف.
