Prezident sailaýyna bir jyl tolýy qarsańynda Eýroparlamenttiń depýtaty, Eýroparlamenttegi «EO-Qazaqstan» Dostyq tobynyń tóraǵasy Ryshard Charnetskii Qasym-Jomart Toqaevtyń bir jyldyq saiasi jumysyna qatysty pikir bildirdi, dep habarlaidy QazAqparat.
«Eýropalyq parlamenttegi EO-Qazaqstan Dostyq tobynyń tóraǵasy retinde men Qazaqstandaǵy mańyzdy oqiǵalardy úlken qyzyǵýshylyqpen qadaǵaladym. 1993 jyly elge alǵashqy saparymnan bastap osy ýaqytqa deiin Qazaqstan qoǵamyndaǵy progressivti kúshterdiń myqtylyǵyn basa kórsetetin úlken progreske qol jetkizildi», - dedi Eýroparlament múshesi.
Ol 2019 jyldyń 12 maýsymynda Qasym-Jomart Toqaev Qazaqstan Prezidenti bolǵanyn atap ótti. Óz jumysynyń basymdyǵy retinde Memleket basshysy qoǵamnyń birligin, azamattardyń quqyǵy men Qazaqstannyń ulttyq múddesiniń qorǵalýyn tańdaǵanyn eske saldy.
«Qazaqstan Prezidenti óziniń sailaýaldy baǵdarlamasynda ýádelerdiń oryndalý kestesin kórsetpese de, ótken jyl oqiǵalarǵa toly ári el halqynyń qoldaýyna ie bolǵan naqty sheshimdermen tolyqty», - dedi depýtat.
Ryshard Charnetskii atap ótkendei Qasym-Jomart Toqaev ásirese áleýmettik salaǵa basa mańyz bergen. Halyqtyń az qamtylǵan tobyn qoldaý úshin járdemaqylardyń ósýi, árttúrli apattardan zardap shekken halyqqa kómektiń kórsetilýi, pandemiianyń keselinen tabyssyz qalǵan azamattardy qoldaý syndy sharalar júzege asyryldy. Osynyń bárine de aitarlyqtai aqsha bólinýde.
«Eýropada Qasym-Jomart Toqaevtyń, shyn máninde, teńsizdikti azaityp, árbir qazaqstandyqtyń ómir súrý sapasyn jaqsartýǵa erekshe kóńil bóletin, áleýmettik máselelerdi sheshýge basymdyq beretin áleýmettik memleket quryp jatyr degen pikir qalyptasqan. Eýropalyq odaq muqiiat qadaǵalaǵan Qazaqstan Prezidentiniń mańyzdy bastamalarynyń biri - Ulttyq qoǵamdyq senim keńesin qurý boldy. Onda ishki kún tártibindegi eń mańyzdy máseleler talqylandy», - dedi Eýropalyq parlamenttegi «EO-Qazaqstan» dostyq tobynyń tóraǵasy.
Ryshard Charnetskii Ulttyq keńes bergen usynystardyń negizinde elde saiasi partiialar men beibit jinalystardy ótkizý týraly zańdar qabyldanǵanyn jetkizdi.
«Prezident Toqaevqa bul laýazymda úlken synaqtarmen betpe-bet kelýge týra keldi. Solardyń biri - búkil álemniń mazasyn qashyrǵan koronavirýs pandemiiasy. Biraq sheber basshylyqtyń arqasynda bul indettiń jaiylyp ketýine jol berilmedi. Prezidenttiń ózi qazaqstandyqtarǵa áleýmettik jeliler men beine habarlamalar arqyly joldaýlarynda koronavirýspen jáne basqa da ózekti máselelermen kúrestiń barysy týraly - aimaq úshin buryn-sońdy bolmaǵan ashyqtyq týraly aitty. Kóp is Memleket basshysy deńgeiinde sheshildi. Tipti densaýlyq saqtaý salasynyń máselelerine Prezidenttiń jeke qaraýyna týra keldi», - deidi depýtat.
Ryshard Charnetskii sońǵy ret Qazaqstanda eki jyl buryn Polsha atynan Eýroparlament múshesi retinde bolǵanyn eske alady.
«Men Polsha men Qazaqstan arasynda burynnan qalyptasqan qarym-qatynasty maqtan tutamyn. Sovet Odaǵynyń tarihynda Qazaqstanda turǵan kóptegen poliak azamattary Qazaqstan jaily jyly estelikterimen bólisip otyrady. Syrtqy saiasatta Qazaqstan burynǵydai Eýropalyq Odaqpen seriktestikke erekshe nazar aýdaryp keledi. 2020 jyldyń 1 naýryzynda EO men Qazaqstan arasyndaǵy keńeitilgen seriktestik pen yntymaqtastyq týraly kelisim tolyq kúshine endi. Biz taraptar osy qujattyń barlyq artyqshylyǵyn tolyq paidalanady dep úmittenemiz. EO-Qazaqstan dostyq tobynyń tóraǵasy retinde men ózara qarym-qatynasymyzdy odan ári damytý úshin barlyq múmkindikti jasaimyn», - dep túiindedi sózin Eýropalyq Parlament depýtaty.
Aita ketsek, ótken jyldyń qazanynda Eýroparlamenttiń toǵyzynshy shaqyrylymynda «EO-Qazaqstan» Dostyq toby qurylǵan edi. Onyń quramyna kiretin Eýroparlament músheleri EO men Qazaqstan arasyndaǵy áleýmettik já n e mádeni qarym-qatynasty damytýdy, saýda-ekonomikalyq qarym-qatynasty keńeitýdi basty maqsat etip alǵan.
