Eýropanyń birneshe eli koronavirýstyń taralýyna bailanysty jańa sharalar qabyldaýda, dep habarlaidy "Ult aqparat" Vedomstvoaralyq komissiianyń telegram kanalyna silteme jasap.
Ulybritaniiada 15 jeltoqsannan bastap COVID-19-dy juqtyrý qaýpi joǵary elderden kelgen adamdardy koronavirýs infektsiiasyna testileýdiń jańa júiesi jumys istei bastaidy. Mindetti ózin-ózi oqshaýlaý merzimi test nátijesi teris bolǵan jaǵdaida bes kúnge deiin bolady.
Shvetsiiada shekteý sharalary kúsheitilýde. Seisenbiden bastap el turǵyndaryna 8 adamnan artyq jinalýǵa tyiym salyndy, jerleý rásimine 20 adamnan artyq qatysýyna ruqsat etilmeidi.
Italiiada sońǵy táýlikte 853 adam koronavirýs infektsiiasynan qaitys bolǵan. El úkimeti aldaǵy merekelerden keiin COVID-19-dyń úshinshi tolqynyn boldyrmaý maqsatynda aldyn alý sharalarynyń josparyn daiyndaýda.
