ەۋروپانىڭ بٸرنەشە ەلٸ كوروناۆيرۋستىڭ تارالۋىنا بايلانىستى جاڭا شارالار قابىلداۋدا, دەپ حابارلايدى "ۇلت اقپارات" ۆەدومستۆوارالىق كوميسسييانىڭ telegram كانالىنا سٸلتەمە جاساپ.
ۇلىبريتانييادا 15 جەلتوقساننان باستاپ COVID-19-دى جۇقتىرۋ قاۋپٸ جوعارى ەلدەردەن كەلگەن ادامداردى كوروناۆيرۋس ينفەكتسيياسىنا تەستٸلەۋدٸڭ جاڭا جٷيەسٸ جۇمىس ٸستەي باستايدى. مٸندەتتٸ ٶزٸن-ٶزٸ وقشاۋلاۋ مەرزٸمٸ تەست نەتيجەسٸ تەرٸس بولعان جاعدايدا بەس كٷنگە دەيٸن بولادى.
شۆەتسييادا شەكتەۋ شارالارى كٷشەيتٸلۋدە. سەيسەنبٸدەن باستاپ ەل تۇرعىندارىنا 8 ادامنان ارتىق جينالۋعا تىيىم سالىندى, جەرلەۋ رەسٸمٸنە 20 ادامنان ارتىق قاتىسۋىنا رۇقسات ەتٸلمەيدٸ.
يتالييادا سوڭعى تەۋلٸكتە 853 ادام كوروناۆيرۋس ينفەكتسيياسىنان قايتىس بولعان. ەل ٷكٸمەتٸ الداعى مەرەكەلەردەن كەيٸن COVID-19-دىڭ ٷشٸنشٸ تولقىنىن بولدىرماۋ ماقساتىندا الدىن الۋ شارالارىنىڭ جوسپارىن دايىنداۋدا.
