Niderlandy elinde qustyń júzdegen myń basy joiylǵannan keiin Daniia men Frantsiiada qus tumaýynyń oqiǵalary tirkelgen, dep habarlaidy Merco Press.
Frantsiianyń Korsika aralynda virýs anyqtalǵan soń, onda júzdegen taýyq óltirildi, al daniialyqtar eldiń batysynda virýs órshigen soń, onyń taralýyn toqtatý úshin 25 myńnan astam qustyń kózi joiylǵanyn málimdedi.
Frantsiia ulttyq qorǵanys sharalary týraly buiryq berdi, sonyń ishinde úi qustaryn jabaiy qustardan mindetti túrde oqshaýlap ustaý talaby bar, al Daniia taýyq jumyrtqasyn EO syrtyna esporttaýdy toqtatty.
Adam úshin qaýipti emes, biraq aýylsharýashylyq salasyn talqandaýshy bolatyn qus tumaýy oqiǵalary Belgiia, Niderlandy, Irlandiiada, sondai-aq basqa elderde de tirkelgen. Osy aida Niderlandy biligi virýs saldarynan 200 myńnan astam qustyń joiylǵanyn málimdegen bolatyn.
Frantsiianyń ońtústik-batysyndaǵy úirek baǵýshylar sońǵy jyldary qus tumaýynan eki ret zardap shekken. Virýs juqtyrǵan qustardy jappai joiý saldarynan olar júzdegen million eýrodan airyldy.
Daniia sharýalardy qustaryn tumaýdan qorǵap qalýǵa shaqyrdy.
Aita ketsek, taiaýda Daniiada keibireýleriniń koronavirýs infektsiiana shaldyqqany anyqtalǵan soń, milliondaǵan qarakúzen joiylǵan.
