Foto: Zumapress
Eýrokomissiia Qytaidyń Temu onlain-servisiniń EO-nyń sandyq qyzmetter týraly zańyn buzǵanyna kúmán keltirip otyr. Briýssel Temu platformasynda jalǵan jáne qaýipti ónimder satylýy múmkin dep esepteidi.
Eýropalyq komissiia Qytaidyń arzan taýarlar satýmen ainalysatyn iri internet-saýda kompaniiasy Temu-ǵa qarsy aiyppul sharasyn bastady. Briýsselde kompaniianyń sandyq qyzmetter týraly EO zańyn buzǵany týraly kúdik bar. Máselen, platformada jalǵan jáne qaýipti ónimderdiń satylýy múmkin ekeni aityldy. Bul týraly 31 qazan kúni komissiia habarlady.
Tekserý barysynda Temu internet paraqshasynyń dizainyna da nazar aýdarylmaq. Synshylar saittyń satyp alýshylardy táýeldilikke ushyratyp, josparlanbaǵan shyǵyndar jasaýǵa itermeleitinin aitýda.
Briýssel EO standarttaryna sáikestendirýdi talap etti
Eýrokomissiia tóraǵasynyń orynbasary Margrete Vestager Qytai kompaniiasyn satylatyn ónimniń EO standarttaryna sáikes kelip, tutynýshylarǵa ziiansyz bolýyn qamtamasyz etýge shaqyrdy. Germaniianyń Ekonomika ministrligi men tutynýshylar quqyǵyn qorǵaý qaýymdastyqtary Temu men Shein siiaqty arzan ónim satatyn internet-dúkenderge qatań sharalar qabyldaýdy qoldap otyr.
Óz kezeginde Temu Eýroodaq biligimen yntymaqtastyqqa daiyn ekenin málimdedi. Kompaniia óz tutynýshylary úshin "qaýipsiz jáne senimdi naryq qurýdy" maqsat tutatynyn atap ótti.
EO-nyń sandyq qyzmetter týraly zańy 2023 jyldyń tamyzynda kúshine endi. Bul zań internet-kompaniialarǵa násilshildikke, esirtki saýdasyna, jalǵan ónimderge, balalar pornografiiasy men jalǵan aqparat taratýǵa qarsy kúresýdi mindetteidi. Zań buzýshylyq rastalsa, Eýrokomissiia kompaniianyń jyldyq álemdik kirisiniń 6 paiyzyna deiin aiyppul sala alady.
.jpg)