Ortalyq Aziiaǵa eýropalyq investitsiialardy tartý jáne qurylymdaý úshin «Astana» halyqaralyq qarjy ortalyǵynyń alańy mańyzdy ról atqara alady. Bul týraly Bishkekte «Eýropalyq Odaq – Ortalyq Aziia» ekonomikalyq forýmynda QR Premer-Ministri Asqar Mamin aitty, dep habarlaidy QazAqparat tilshisi.
«Búgingi forýmdaǵy múmkindikti paidalana otyryp, «Eýropalyq Odaq – Ortalyq Aziia» ekonomikalyq forýmynyń 2023 jyly Qazaqstandy qabyldaýshy tarap retinde usynbaqpyn», - dedi Asqar Mamin.
Úkimet basshysy Ortalyq Aziiaǵa eýropalyq investitsiialardy tartý jáne qurylymdaý úshin qazirgi ýaqytta EO-dan 70-ke jýyq kompaniia qolaily salyqtyq, vizalyq jáne eńbek rejiminde jumys isteitin «Astana» halyqaralyq qarjy ortalyǵynyń alańyn usyndy.
Premer-Ministr «Ortalyq Aziia – EO» iskerlik keńesin qurý bastamasyn kóterdi. Oǵan eki óńirdiń ekonomikalyq bloktarynyń ministrleri, biznes basshylary, sondai-aq qarjy institýttarynyń, saýda jáne ónerkásip palatalarynyń ókilderi qatysady.
Budan buryn habarlanǵandai, búgin Bishkekte Premer-Ministrler deńgeiinde «Eýropalyq Odaq – Ortalyq Aziia» ekonomikalyq forýmy bastaldy.
