ورتالىق ازيياعا ەۋروپالىق ينۆەستيتسييالاردى تارتۋ جەنە قۇرىلىمداۋ ٷشٸن «استانا» حالىقارالىق قارجى ورتالىعىنىڭ الاڭى ماڭىزدى رٶل اتقارا الادى. بۇل تۋرالى بٸشكەكتە «ەۋروپالىق وداق – ورتالىق ازييا» ەكونوميكالىق فورۋمىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات تٸلشٸسٸ.
«بٷگٸنگٸ فورۋمداعى مٷمكٸندٸكتٸ پايدالانا وتىرىپ, «ەۋروپالىق وداق – ورتالىق ازييا» ەكونوميكالىق فورۋمىنىڭ 2023 جىلى قازاقستاندى قابىلداۋشى تاراپ رەتٸندە ۇسىنباقپىن», - دەدٸ اسقار مامين.
ٷكٸمەت باسشىسى ورتالىق ازيياعا ەۋروپالىق ينۆەستيتسييالاردى تارتۋ جەنە قۇرىلىمداۋ ٷشٸن قازٸرگٸ ۋاقىتتا ەو-دان 70-كە جۋىق كومپانييا قولايلى سالىقتىق, ۆيزالىق جەنە ەڭبەك رەجيمٸندە جۇمىس ٸستەيتٸن «استانا» حالىقارالىق قارجى ورتالىعىنىڭ الاڭىن ۇسىندى.
پرەمەر-مينيستر «ورتالىق ازييا – ەو» ٸسكەرلٸك كەڭەسٸن قۇرۋ باستاماسىن كٶتەردٸ. وعان ەكٸ ٶڭٸردٸڭ ەكونوميكالىق بلوكتارىنىڭ مينيسترلەرٸ, بيزنەس باسشىلارى, سونداي-اق قارجى ينستيتۋتتارىنىڭ, ساۋدا جەنە ٶنەركەسٸپ پالاتالارىنىڭ ٶكٸلدەرٸ قاتىسادى.
بۇدان بۇرىن حابارلانعانداي, بٷگٸن بٸشكەكتە پرەمەر-مينيسترلەر دەڭگەيٸندە «ەۋروپالىق وداق – ورتالىق ازييا» ەكونوميكالىق فورۋمى باستالدى.
