Foto ©Pixabay
Eýropalyq komissiia EO elderine Shengen vizasyn alý rásimin tsifrlandyrýdy jáne vizalyq platforma arqyly onlain ótinish berý múmkindigin engizýdi usyndy, - dep habarlaidy Kaz.tengritravel.kz tilshisi SchengenVisaInfo-ǵa silteme jasap.
Kóshi-qon jáne baspana týraly jańa paktide 2025 jylǵa qarai vizalyq protsedýralardy tolyǵymen tsifrlandyrý maqsaty qoiyldy. Bul EO-ǵa múshe memleketter men ótinish berýshilerge shyǵyndar men júktemeni azaitý esebinen protsesti jaqsartady, óńirdegi qaýipsizdikti arttyrady dep boljanyp otyr.
Eýropalyq komissiianyń málimetinshe, tsifrlandyrý alaiaqtyqqa, jalǵandyqqa jáne urlyqqa ushyraýy múmkin jeke viza japsyrmalarymen bailanysty táýekelderdi azaitýy kerek.
Osylaisha, viza alý protsesi mynadai bolýy múmkin: tilek bildirýshiler onlain rejimde ótinish beredi jáne viza aqysyn EO-nyń bir platformasy arqyly tóleidi. Ótinish alynǵannan keiin, platforma EO-nyń qai memleketi ony qaraý úshin jaýap beretinin avtomat túrde anyqtaidy. Sonymen qatar, platforma ótinish berýshilerge qysqa merzimdi Shengen vizalary jáne talaptar men protsedýralar týraly aqparat beredi.
Bul barlyq protses onlain formatqa kóshkennen keiin ótinish berýshilerdiń konsýldyqtarǵa barýǵa mindetti emestigin bildiredi. Konsýldyqqa barý tek biometriialyq sáikestendirgishterdi jinaýǵa alǵash júgingender úshin, biometriialyq derekteri jaramsyz adamdar úshin, sondai-aq jańa jol júrý qujaty bar adamdar úshin mindetti bolady.
Shengen vizalaryn berý protsesin tsifrlandyrý týraly usynysty endi keńes pen Parlament talqylaidy. Sodan keiin EO-ǵa múshe memleketter innovatsiiany engizýi bes jyl ýaqyt alady.
