Búgin Eýropalyq komissiia COVID-19 pandemiiasy kezinde Eýropalyq odaq elderi ishinde qaýipsiz qozǵalysty jeńildetetin «tsifrlyq jasyl sertifikat» qurýdy usyndy, dep habarlaidy "Ult aqparat".
Tsifrlyq sertifikat adamnyń COVID-19-ǵa qarsy vaktsinatsiialanǵanyn, teris nátijeli test tapsyrǵanyn nemese koronavirýstan aiyqqanyn dáleldeidi. Nysan sandyq nemese qaǵaz formatynda tegin qoljetimdi bolady. Ol sertifikattyń qaýipsizdigi men túpnusqalyǵyn qamtamasyz etý úshin QR kodyn qamtidy.
Sertifikattarda shekteýli aqparat jiyntyǵy bolady: aty, týǵan kúni, shyǵarylǵan kúni, alynǵan vaktsina/test/qalpyna keltirý týraly málimetter jáne sertifikattyń biregei identifikatory.
«Tsifrlyq jasyl sertifikat» EO-ǵa múshe barlyq memleketterde jaramdy jáne Islandiia, Lihtenshtein, Norvegiia, sondai-aq Shveitsariia úshin ashyq bolady.
Qujat azamattyǵyna qaramastan EO azamattary men olardyń otbasy múshelerine berilýi kerek. Ony EO-ǵa kirmeitin, biraq onyń aýmaǵynda turaqty turatyn elderdiń azamattary da ala alady (rezidentter).
Eýrokomissiianyń aitýynsha, mundai sertifikattardyń ielerine mindetti karantinge jabylmastan, Eýropalyq Odaqqa barýǵa ruqsat etilýi kerek.
Vaktsinalaý naýqany bastalǵan saiyn mundai adamdar kóbeie túsedi jáne Briýssel men EO-nyń úkimetteri pandemiiadan zardap shekken ekonomikany, ásirese týrizmge qatty táýeldi elder men aimaqtardyń ekonomikasyn jandandyrýǵa kómektesedi dep úmittenedi.
Eýropalyq komissiianyń usynysynyń máni – EO elderiniń sandyq jasyl sertifikattyń biryńǵai formasyn qabyldaýy jáne osyndai sertifikattardy alǵan bir-biriniń azamattaryna shekteýsiz saiahattaýǵa ruqsat berýi.
«Qazir Eýropada vaktsina qarqyny ósip kele jatqanda, bizge Eýropadaǵy qozǵalys jáne saiahat erkindiginiń negizgi quqyǵyna oralý múmkindigi qajet», – dedi Eýropalyq Halyq partiiasynyń eń iri eýropalyq fraktsiiasynyń jetekshisi Manfred Verner.
Eýrokomissiiada atap ótkendei, tsifrlyq jasyl sertifikattar júiesi – ýaqytsha shara. Dúniejúzilik densaýlyq saqtaý uiymy (DDSU) COVID-19 Halyqaralyq densaýlyq saqtaý tótenshe jaǵdaiynyń aiaqtalǵanyn jariialaǵannan keiin ol toqtatylady.
