Iahta Lady M. © yachtoteka.ru
Italiiada bilik Reseidiń Ýkrainaǵa shabýylyna bailanysty Eýroodaqtyń sanktsiiasyna ushyraǵan reseilik oligarhtardyń múlkin tárkileýdi bastady, - dep habarlaidy Tengrinews.kz tilshisi The Insider basylymyna silteme jasap.
Italiialyq BAQ málimetinshe, 4 naýryzda "Severstal" kompaniiasynyń negizgi iesi Aleksei Mordashovqa tiesili Lady M iahtasy Imperiia qalasynyń portynda ustalǵan. Sol kúni San-Remoda Gennadii Timchenkonyń "Lena" iahtasy tárkilengen.
Sondai-aq, Toskanada oligarh Oleg Savchenkoǵa tiesili quny úsh million eýro turatyn villaǵa buǵat qoiylǵany habarlandy.
Lady M iahtasyna Mordashovtyń áieliniń esimi berilgen. Kemeniń uzyndyǵy 65 metr, quny - 55 million dollar.
Uzyndyǵy 40 metrlik "Lena" iahtasynyń quny - 50 million dollar. Timchenko "Volga" jeke investitsiialyq tobynyń iesi, onyń aktivteri 22 milliard dollarǵa baǵalanǵan.
Italiia syrtqy ister ministri Lýidji Di Maio Italiia reseilik oligarhtardyń múlkin tárkileý operatsiiasyn bastaǵanyn aitty. "Bul Pýtinniń tóńiregindegiler, sanktsiiadan úlken shyǵyn kórip otyr", - dedi ol.
Buǵan deiin Frantsiiada "Rosneft" basshysy Igor Sechinniń iahtasy, Germaniiada Álisher Ýsmanovtyń 156 metrlik sýperiahtasy tárkilegen bolatyn.
