Belgiia men Niderlandta koronavirýsty qaita juqtyrǵan patsientter anyqtaldy, dep habarlaidy dw.com saity.
Niderlandta immýniteti tómen egde jastaǵy er adam virýsty ekinshi ret juqtyrǵany anyqtalǵan. Bul týraly osy eldiń úkimetine keńes beretin virýsolog Marion Kopmans NOS radiosynyń efirinde aitty. Onyń aitýynsha, virýs genomynyń zertteýi bul aldyńǵy juqtyrǵan aýrýdyń saldary emes, qaita juǵý jaǵdaiy ekenin kórsetken.
Belgiiadaǵy ekinshi ret koronavirýs juqtyrǵan patsient alǵash ret COVID-19 indetine úsh ai buryn shaldyqqan. Odan keiin ol aýrýynan aiyǵyp shyqqan bolatyn. Bul týraly virýsolog Mark van Ranst VTM telearnasyna bergen suhbatynda habarlady. Virýstyń ekinshi shtammynda 11 mýtatsiia anyqtalǵan.
Eske sala keteiik, 24 tamyzda Gonkong ýniversitetiniń ǵalymdary SARS-CoV-2 qaita juqtyrýdyń ǵylymi rastalǵan alǵashqy jaǵdaiy týraly habarlaǵan bolatyn.
Worldometer halyqaralyq volonterler tobynyń málimetterinde kórsetilgendei, 25 tamyzdaǵy jaǵdai boiynsha pandemiia bastalǵaly álemde 23,8 million indetke shaldyǵý jaǵdaiy anyqtalǵan. 817 640 adam virýstan kóz jumǵan. 16,3 millionnan astam patsient saýyǵyp shyqqan.
