Eýropada koronavirýs juqtyrǵandar sany artty. Frantsiia Covid-19 virýsyn juqtyrý jaǵdaiynyń rekordtyq kórsetkishke jetkenin málim etti, dep habarlaidy Bi-Bi-Si agenttigi.
Djons Hopkins ýniversitetiniń málimetinshe, álemde 28,7 mln adam Covid-19 juqtyryp, 920,8 myń naýqas qaýipti indetten kóz jumǵan, 19,4 mln adam saýyǵyp ketken.
Senbi kúni frantsýz biligi bir táýlikte 10561 adamnyń virýs juqtyrǵanyn habarlady. Bul bir kún burynǵy kórsetkishten 1000 adamǵa kóp. Sondai-aq Covid-19 diagnozymen aýrýhananyń jansaqtaý bólimine túsken naýqastar da kóbeigen.
Osyǵan qarai Frantsiianyń meditsina salasynyń beldi mamandary halyqty jeke kezdesýlerden aýlaq bolýǵa shaqyrdy.
Maýsym aiynan beri Frantsiiada aýrý juqtyrý deńgeii barlyq jastaǵy adamdar arasynda ósti, biraq bilik bul ósim ásirese jastar arasynda kóp ekenin aityp otyr.
Frantsiia indetke shaldyǵýshylar ósimi baiqalǵan jalǵyz eýropalyq el emes.
Qurlyqtaǵy bilik naýryz aiynda engizilgen qatań karantindik sharalardy jeńildete bastaǵanda, aýrý juqtyrǵandardyń sany birtindep ósti, al tamyz aiynda aitarlyqtai artty.
Senbi kúni Frantsiia aýrýhanasyna koronavirýs diagnozy qoiylǵan 2432 patsient tústi. Olardyń 417-si jansaqtaý bólimine ornalastyryldy. 17 adam kóz jumdy. Jalpy alǵanda elde pandemiia kezinde qaitys bolǵandar sany 30 myńnan asty. Frantsiia qaitys bolǵandar sany boiynsha álemde jetinshi orynda.
Eýropanyń ózge de elderindegi jaǵdai
Birqatar Eýropa elinde koronavirýs órship tur.
Jeksenbi kúni Chehiiada úsh kúnde 1541 adam virýs juqtyryp, rekordtyq kórsetkish tirkelgen.
Kórshiles elder Chehiiadan kirýge shekteýler engize bastady.
Sársenbiden bastap Germaniia Pragadan kelýshilerdiń barlyǵynan koronavirýsqa tapsyrylǵan test nátijesin talap etetin bolady.
Ótken beisenbide Ispaniiada bir táýlikte koronavirýs juqtyrǵandar sany 10764 adamǵa jetken.
Degenmen Densaýlyq saqtaý ministrligi jaǵdai turaqtalyp keledi dep málimdep otyr. Ispaniia Eýropada koronavirýs juqtyrǵandar sany boiynsha birinshi orynda. Pandemiia bastalǵannan beri bul elde 566,3 myń adam aýyryp, 29,7 myń adam qaitys boldy.
Ispan taǵynyń 14 jastaǵy murageri Hanshaiym Astýriiskaia Leonor synyptastarynyń birinen Covid-19 diagnozy rastalǵannan keiin karantinge jiberildi. Endi Madridtiń Santa-Mariia-de-los-Rosales mektebiniń barlyq oqýshysy koronavirýsqa test tapsyrýy kerek.
Ulybritaniiada demalys kúnderi virýs juqtyrǵandar sany 4 myńnan asty. Elde adamdardyń kóptep jinalýyna qaitadan tyiym salyndy. Angliia men Shotlandiiada endi 6-dan kóp adamnyń jinalýyna tyiym salyndy.
