«Sotsialister men demokrattardyń progresshil aliansy» saiasi tobynyń ókili, italiialyq David-Mariia Sassoli Eýropa parlamentiniń jańa prezidenti bolyp sailandy, dep habarlaidy "Ult aqparat".
Sársenbi kúni Strasbýrgte ótken ekinshi raýndta D. Sassolidi qoldap 345 depýtat daýys bergen. Onyń ókildik merzimi - 2,5 jyl, sodan keiin jańa prezident sailanady.
«Eýropanyń konservatorlary men reformashyldary» tobynyń ókili, cheh Ian Zagradil 160 daýys, «Jasyldar - Eýropanyń erkin aliansy» fraktsiiasynyń ókili, germaniialyq Ska Keller 119 daýys, «Eýropanyń birlesken solshyldary / soltústiktiń solshyl-jasyldary» saiasi toby usynǵan ispaniialyq Sira Rego 43 daýys jinaǵan.
Aita keteiik, 63 jastaǵy D. Sassoli kóp jyldar Italiiada jýrnalist bolyp jumys istegen. 2009 jyly ony Italiianyń Demokratiialyq partiiasy usynyp, alǵash ret Eýropa parlamentine depýtat bolyp sailandy, keiinnen 2014, 2019 jyldary qaita sailanǵan bolatyn.
