Eýropa Odaǵyna ýaqytsha tóraǵa Avstriianyń syrtqy ister ministri Karin Knaisl Ózbekstandaǵy adam quqyqtarynyń jaiy sońǵy eki jylda jaqsarǵanyn málimdedi.
Avstriia syrtqy ister ministri Briýsselde ótken Eýropa Odaǵy - Ózbekstan yntymaqtastyq keńesiniń jiynynan soń Ózbekstan syrtqy ister ministri Abdýlaziz Kamilovpen baspasóz konferentsiiasyn ótkizdi.
"Eýropa Odaǵy alańdap otyrǵan, ar-ujdan tutqyny tiziminde bolǵan tutqyndardyń kóbi bosatyldy. Men ol tizimde bir adam ǵana qalǵanyn bilemin jáne endi ol tizim joiylyp, bosap shyqqan barlyq adam aqtalsa jaqsy bolar edi" dedi Knaisl.
Avstriia syrtqy ister ministri Karin Knaisl Eýropa Odaǵy Ózbekstan úkimeti jariialaǵan "óte aýqymdy reformalardy qoldan kelgenshe qoldaitynyn aitty. "Biz barlyǵynyń durys jolda kele jatqanyn baqylap otyrmyz" dedi Knaisl.
Abdýlaziz Kamilov Ózbekstannyń óte úlken jumys atqarý keregin jáne "aiqyn strategiiasy baryn" aitty.
