Búgin UEFA Eýropa ligasy jartylai finalyna shyqqan barlyq komanda belgili boldy, dep habarlaidy "Ult aqparat".
Shirek finalda joly túiisken «Shahter Donetsk» (Ýkraina) men «Bazel» (Shveitsariia) jubynda alǵashqy komandanyń tájiribesi mol ekendigi belgili. Sondyqtan jankúierler olardyń jarysty jalǵastyrý múmkindigi joǵary ekenine boljam jasady.
Rasynda, ýkrainalyq klýb fýtbolshylary basym oinady. Kezdesýdiń 2-minýtynda «Shahter Donetsk» klýbynyń braziliialyq shabýylshysy Jýnior Moraes esep ashty. Al 22-minýtta onyń komandalas áriptesi Taison esepti ústemelei tústi. Odan keiin 75-minýtta Alan Patrik, penaltiden, 88-minýtta Dodo gol soǵyp, qorytyndy esepti belgiledi. «Shahter Donetsk» qarsylasyn 4:1 esebimen tize búktirdi.
Taǵy bir kezdesý «Sevilia» (Ispaniia) men «Výlverhempton Ýonderers» (Angliia) komandalary arasynda ótti. Oiynnyń 13-minýtynda aǵylshyn klýby esep ashatyn múmkindigi bolǵan. Olardyń qatarynan Raýl Himenes penalti tebýden múlt ketti. Oiynnyń 88-minýtynda «Sevilia» oiynshysy Lýkas Okampos soqqan jalǵyz gol kezdesý taǵdyryn sheshti. Osylaisha qarsylasyn 1:0 esebimen jeńgen «Sevilia» jartylai finalǵa shyqty.
Esterińizge sala ketelik, 10 tamyzda «Manchester Iýnaited» (Angliia) men «Inter» (Italiia) komandalary jartylai finalǵa joldama alǵan bolatyn.
Jartylai finalda «Inter» men «Shahter Donetsk», «Manchester Iýnaited» pen «Sevilia» komandalary sheberlik baiqasady. Jeńimpaz bir ǵana oiyn nátijesimen anyqtalady.
Endi jartylai final oiyndary 16, 17 tamyz kúnderi Germaniianyń Diýsseldorf, Kioln qalalarynda ótkiziledi. Al final 21 tamyzda Kioln qalasyndaǵy «Rein Energi» stadionynda bolady.
