بٷگٸن UEFA ەۋروپا ليگاسى جارتىلاي فينالىنا شىققان بارلىق كوماندا بەلگٸلٸ بولدى, دەپ حابارلايدى "ۇلت اقپارات".
شيرەك فينالدا جولى تٷيٸسكەن «شاحتەر دونەتسك» (ۋكراينا) مەن «بازەل» (شۆەيتسارييا) جۇبىندا العاشقى كوماندانىڭ تەجٸريبەسٸ مول ەكەندٸگٸ بەلگٸلٸ. سوندىقتان جانكٷيەرلەر ولاردىڭ جارىستى جالعاستىرۋ مٷمكٸندٸگٸ جوعارى ەكەنٸنە بولجام جاسادى.
راسىندا, ۋكراينالىق كلۋب فۋتبولشىلارى باسىم وينادى. كەزدەسۋدٸڭ 2-مينۋتىندا «شاحتەر دونەتسك» كلۋبىنىڭ برازيلييالىق شابۋىلشىسى جۋنيور موراەس ەسەپ اشتى. ال 22-مينۋتتا ونىڭ كوماندالاس ەرٸپتەسٸ تايسون ەسەپتٸ ٷستەمەلەي تٷستٸ. ودان كەيٸن 75-مينۋتتا الان پاتريك, پەنالتيدەن, 88-مينۋتتا دودو گول سوعىپ, قورىتىندى ەسەپتٸ بەلگٸلەدٸ. «شاحتەر دونەتسك» قارسىلاسىن 4:1 ەسەبٸمەن تٸزە بٷكتٸردٸ.
تاعى بٸر كەزدەسۋ «سەۆيليا» (يسپانييا) مەن «ۆۋلۆەرحەمپتون ۋوندەرەرس» (انگلييا) كوماندالارى اراسىندا ٶتتٸ. ويىننىڭ 13-مينۋتىندا اعىلشىن كلۋبى ەسەپ اشاتىن مٷمكٸندٸگٸ بولعان. ولاردىڭ قاتارىنان راۋل حيمەنەس پەنالتي تەبۋدەن مٷلت كەتتٸ. ويىننىڭ 88-مينۋتىندا «سەۆيليا» ويىنشىسى لۋكاس وكامپوس سوققان جالعىز گول كەزدەسۋ تاعدىرىن شەشتٸ. وسىلايشا قارسىلاسىن 1:0 ەسەبٸمەن جەڭگەن «سەۆيليا» جارتىلاي فينالعا شىقتى.
ەستەرٸڭٸزگە سالا كەتەلٸك, 10 تامىزدا «مانچەستەر يۋنايتەد» (انگلييا) مەن «ينتەر» (يتالييا) كوماندالارى جارتىلاي فينالعا جولداما العان بولاتىن.
جارتىلاي فينالدا «ينتەر» مەن «شاحتەر دونەتسك», «مانچەستەر يۋنايتەد» پەن «سەۆيليا» كوماندالارى شەبەرلٸك بايقاسادى. جەڭٸمپاز بٸر عانا ويىن نەتيجەسٸمەن انىقتالادى.
ەندٸ جارتىلاي فينال ويىندارى 16, 17 تامىز كٷندەرٸ گەرمانييانىڭ ديۋسسەلدورف, كيولن قالالارىندا ٶتكٸزٸلەدٸ. ال فينال 21 تامىزدا كيولن قالاسىنداعى «رەين ەنەرگي» ستاديونىندا بولادى.
