Búgin UEFA Eýropa ligasy úshinshi irikteý satysynda almatylyq «Qairat» syrt alańda Armeniianyń «Alashkert» komandasynan jeńilip qaldy, dep habarlaidy "Ult aqparat".
Eki komanda arasyndaǵy alǵashqy kezdesýde 0:0 esebi tirkeldi. Sondyqtan olardyń biri búgin jeńiske jetýi tiis bolatyn.
Oiynnyń birinshi kezeńinde eki komanda bir-birden gol soqty. Aldymen «Alashkert» oiynshysy Joze Embalo 43-minýtta esep ashsa, oǵan qazaqstandyq Aibol Ábiken 45-minýtta bir golmen jaýap qaiyrdy.
Ekinshi kezeńde Joze Embalo 50-minýtta taǵy bir goldyń avtory atandy. Al 61-minýtta «Qairattyń» shabýylshysy Artýr Shýshenachev tarazy basyn teńestirdi. Oiyn overtaimǵa ulasty. Overtaimnyń 103-minýtynda armeniialyq klýbtan Aleksandar Glishich qaitadan «Alashkertti» alǵa shyǵardy. Osylaisha «Qairat» qarsylasyna 2:3 esebimen jeńildi. Endi qazaqstandyq klýb Konferentsiia ligasy plei-off satysynda synǵa túsedi.
Eki komanda 2015 jyly Eýropa ligasy ekinshi irikteý satysynda kezdesken edi. Óz alańynda qazaqstandyq klýb 3:0 esebimen jeńse, syrt alańda 1:2 esebimen ese jiberdi. Nátijesinde qazaqstandyqtar jarysty jalǵastyrǵan.
Almatylyq komanda biyl eýrokýbokty Chempiondar ligasynda bastaǵan bolatyn. Almatylyq komanda birinshi irikteý satysynda Izraildiń «Makkabi» (Haifa) komandasyn (2:0, 1:1) orta jolda qaldyryp ketti.
Odan keiin Serbiianyń «Tsrvena Zvezda» komandasyna (2:1, 0:5) ese jiberip qoidy.
Eske salai keteiik, buǵan deiin elordalyq «Astana» óz alańynda Finliandiianyń KýPS komandasynan jeńilip, jarys jolynan shyǵyp qalsa, Qaraǵandynyń «Shahteri» Ýkrainanyń «Kolos» komandasyn orta jolda qaldyryp ketti.
