Fýtboldan UEFA Eýropa ligasy plei-off kezeńine shyǵyp jatqan jaǵdaida elordalyq «Astanaǵa» qarsylas atanýy múmkin komandalar belgili boldy, dep habarlaidy "Ult aqparat".
«Astana» 8 jáne 15 tamyz kúnderi Maltanyń «Valletta» komandasymen sheberlik baiqasady. Bul jupta jeńimpaz atanǵan jaǵdaida elordalyq klýb «Saraevo» (Bosniia i Gertsegovina) jáne BATE (Belarýs) komandalary jeńimpazymen plei-off kezeńinde kezdesetin bolady.
Esterińizge sala ketelik, «Astana» 2016 jyly Eýropa ligasy plei-off kezeńinde BATE komandasymen kezdesken bolatyn. Onda elordalyq klýb óz alańynda atalmysh qarsylasyn 2:0 esebimen tize búktirse, syrt alańda 2:2 esebimen basym tústi. Nátijesinde Eýropa ligasy toptyq kezeńine joldama aldy. Al qazaqstandyq klýbtar eýrokýbok oiyndarynda búgingi kúnge deiin Bosniianyń «Saraevo» klýbymen jolyqqan emes.
Aita ketelik, «Astana» biyl aldymen UEFA Chempiondar ligasy birinshi kezeńinde Rýmyniianyń ChFR komandasyna jol berdi. Odan keiin Eýropa ligasy ekinshi irikteý kezeńine joldama alyp, onda Andorranyń «Santa-Koloma» komandasyn orta jolda qaldyrdy .
