فۋتبولدان UEFA ەۋروپا ليگاسى پلەي-وفف كەزەڭٸنە شىعىپ جاتقان جاعدايدا ەلوردالىق «استاناعا» قارسىلاس اتانۋى مٷمكٸن كوماندالار بەلگٸلٸ بولدى, دەپ حابارلايدى "ۇلت اقپارات".
«استانا» 8 جەنە 15 تامىز كٷندەرٸ مالتانىڭ «ۆاللەتتا» كومانداسىمەن شەبەرلٸك بايقاسادى. بۇل جۇپتا جەڭٸمپاز اتانعان جاعدايدا ەلوردالىق كلۋب «ساراەۆو» (بوسنييا ي گەرتسەگوۆينا) جەنە باتە (بەلارۋس) كوماندالارى جەڭٸمپازىمەن پلەي-وفف كەزەڭٸندە كەزدەسەتٸن بولادى.
ەستەرٸڭٸزگە سالا كەتەلٸك, «استانا» 2016 جىلى ەۋروپا ليگاسى پلەي-وفف كەزەڭٸندە باتە كومانداسىمەن كەزدەسكەن بولاتىن. وندا ەلوردالىق كلۋب ٶز الاڭىندا اتالمىش قارسىلاسىن 2:0 ەسەبٸمەن تٸزە بٷكتٸرسە, سىرت الاڭدا 2:2 ەسەبٸمەن باسىم تٷستٸ. نەتيجەسٸندە ەۋروپا ليگاسى توپتىق كەزەڭٸنە جولداما الدى. ال قازاقستاندىق كلۋبتار ەۋروكۋبوك ويىندارىندا بٷگٸنگٸ كٷنگە دەيٸن بوسنييانىڭ «ساراەۆو» كلۋبىمەن جولىققان ەمەس.
ايتا كەتەلٸك, «استانا» بيىل الدىمەن UEFA چەمپيوندار ليگاسى بٸرٸنشٸ كەزەڭٸندە رۋمىنييانىڭ چفر كومانداسىنا جول بەردٸ. ودان كەيٸن ەۋروپا ليگاسى ەكٸنشٸ ٸرٸكتەۋ كەزەڭٸنە جولداما الىپ, وندا اندوررانىڭ «سانتا-كولوما» كومانداسىن ورتا جولدا قالدىردى .
