Fýtboldan UEFA Eýropa ligasynyń plei-off kezeńiniń alǵashqy kezdesýinde elordalyq «Astana» óz alańynda Belarýstiń BATE komandasynan basym tústi, dep habarlaidy QazAqparat.
Plei-off kezeńinde joly bolǵan komanda jarystyń toptyq satysyna joldama alady. Sondyqtan eki komanda da búgingi kezdesýde ózderine qolaily esepke qol jetkizýge barynsha kúsh saldy.
«Astana» sapynda alǵashqy minýttan Nenad Erich, Antonio Rýkavina, Lýka Shimýnovich, Evgenii Postnikov, Dmitrii Shomko, Iýrii Logvinenko, Ivan Maevskii, Rýnar Mar Sigýronsson , Dorin Rotariý, Firmin Mýbele, Marin Tomasov shyqty.
Al BATE bapkerleri Anton Chichkan, Aleksandar Filipovich, Slobodan Simovich, Zahar Volkov, Aleksei Rios, Evgenii Iablonskii, Stanislav Dragýn, Dmitrii Baga, Igor Stasevich, Erven Mýkam jáne Maksim Skavysh syndy jigitterge senim artty.
Oiynnyń alǵashqy minýtynan bizdiń komanda tizgindi qolǵa alyǵa tyrysty. Qarsylastar qaqpasy mańynda qaýipti shabýyldar uiymdastyrdy. Nátijesinde alǵashqy bolyp esep ashty. Kezdesýdiń 23-minýtynda Marin Tomasov komandalas áriptesinen dop aldy. Sodan keiin birneshe qarsylasyn aldap ótti. Sosyn alystan dopty shirene teýip, qarsylastar qaqpasyn týlatty. Aita keterligi, bul Marin Tomasovtyń biylǵy eýrokýbok oiyndarynda soqqan jetinshi goly sanalady.
Elordalyq fýtbolshylar birinshi kezeńde budan keiin de kóptegen shabýyldar uiymdastyrǵan edi. Degenmen olardyń barlyǵy dittegen jerine jetken joq. Birinshi kezeńniń sońynda oń qanattan áýelete berilgen dopty «Astana» oiynshysy Iýrii Logvinenko baspen qaqpaǵa soǵyp ketti.
Ekinshi kezeń bastalǵannan keiin kóp uzamai «Astana» esepti ústemelei tústi. BATE qaqpasyna belgilengen penaltidi Rýnar Sigýrionsson sheber oryndai bildi. Budan keiin qos komanda tarapynan esepti ózgertetin múmkindikter boldy. Dese de oiyn sońyna deiin budan basqa gol soǵylǵan joq. «Astana» qarsylasynan 3:0 esebimen basym tústi.
Eki komanda budan burynǵy jyldarda da eýrokýbok oiyndarynda kezdesti. Belarýs klýby 2016 jyly Eýropa ligasy plei-off kezeńinde elordalyq «Astana» klýbymen jolyqty. Alǵashqy kezdesýde BATE syrt alańda olar qarsylasyna 0:2 esebimen jol berse, araǵa apta salyp óz alańynda 2:2 esebimen teń tústi. Osylaisha, «Astanadan» ainalyp óte alǵan joq. Odan buryn 2013 jyly Chempiondar ligasy ekinshi irikteý satysynda Qaraǵandynyń «Shahteryna» ese jibergen edi.
Endi qarymta oiyn 29 tamyzda Borisov qalasynda ótkiziledi.
