فۋتبولدان UEFA ەۋروپا ليگاسىنىڭ پلەي-وفف كەزەڭٸنٸڭ العاشقى كەزدەسۋٸندە ەلوردالىق «استانا» ٶز الاڭىندا بەلارۋستٸڭ باتە كومانداسىنان باسىم تٷستٸ, دەپ حابارلايدى قازاقپارات.
پلەي-وفف كەزەڭٸندە جولى بولعان كوماندا جارىستىڭ توپتىق ساتىسىنا جولداما الادى. سوندىقتان ەكٸ كوماندا دا بٷگٸنگٸ كەزدەسۋدە ٶزدەرٸنە قولايلى ەسەپكە قول جەتكٸزۋگە بارىنشا كٷش سالدى.
«استانا» ساپىندا العاشقى مينۋتتان نەناد ەريچ, انتونيو رۋكاۆينا, لۋكا شيمۋنوۆيچ, ەۆگەنيي پوستنيكوۆ, دميتريي شومكو, يۋريي لوگۆينەنكو, يۆان ماەۆسكيي, رۋنار مار سيگۋرونسسون , دورين روتاريۋ, فيرمين مۋبەلە, مارين توماسوۆ شىقتى.
ال باتە باپكەرلەرٸ انتون چيچكان, الەكساندار فيليپوۆيچ, سلوبودان سيموۆيچ, زاحار ۆولكوۆ, الەكسەي ريوس, ەۆگەنيي يابلونسكيي, ستانيسلاۆ دراگۋن, دميتريي باگا, يگور ستاسەۆيچ, ەرۆەن مۋكام جەنە ماكسيم سكاۆىش سىندى جٸگٸتتەرگە سەنٸم ارتتى.
ويىننىڭ العاشقى مينۋتىنان بٸزدٸڭ كوماندا تٸزگٸندٸ قولعا الىعا تىرىستى. قارسىلاستار قاقپاسى ماڭىندا قاۋٸپتٸ شابۋىلدار ۇيىمداستىردى. نەتيجەسٸندە العاشقى بولىپ ەسەپ اشتى. كەزدەسۋدٸڭ 23-مينۋتىندا مارين توماسوۆ كوماندالاس ەرٸپتەسٸنەن دوپ الدى. سودان كەيٸن بٸرنەشە قارسىلاسىن الداپ ٶتتٸ. سوسىن الىستان دوپتى شٸرەنە تەۋٸپ, قارسىلاستار قاقپاسىن تۋلاتتى. ايتا كەتەرلٸگٸ, بۇل مارين توماسوۆتىڭ بيىلعى ەۋروكۋبوك ويىندارىندا سوققان جەتٸنشٸ گولى سانالادى.
ەلوردالىق فۋتبولشىلار بٸرٸنشٸ كەزەڭدە بۇدان كەيٸن دە كٶپتەگەن شابۋىلدار ۇيىمداستىرعان ەدٸ. دەگەنمەن ولاردىڭ بارلىعى دٸتتەگەن جەرٸنە جەتكەن جوق. بٸرٸنشٸ كەزەڭنٸڭ سوڭىندا وڭ قاناتتان ەۋەلەتە بەرٸلگەن دوپتى «استانا» ويىنشىسى يۋريي لوگۆينەنكو باسپەن قاقپاعا سوعىپ كەتتٸ.
ەكٸنشٸ كەزەڭ باستالعاننان كەيٸن كٶپ ۇزاماي «استانا» ەسەپتٸ ٷستەمەلەي تٷستٸ. باتە قاقپاسىنا بەلگٸلەنگەن پەنالتيدٸ رۋنار سيگۋريونسسون شەبەر ورىنداي بٸلدٸ. بۇدان كەيٸن قوس كوماندا تاراپىنان ەسەپتٸ ٶزگەرتەتٸن مٷمكٸندٸكتەر بولدى. دەسە دە ويىن سوڭىنا دەيٸن بۇدان باسقا گول سوعىلعان جوق. «استانا» قارسىلاسىنان 3:0 ەسەبٸمەن باسىم تٷستٸ.
ەكٸ كوماندا بۇدان بۇرىنعى جىلداردا دا ەۋروكۋبوك ويىندارىندا كەزدەستٸ. بەلارۋس كلۋبى 2016 جىلى ەۋروپا ليگاسى پلەي-وفف كەزەڭٸندە ەلوردالىق «استانا» كلۋبىمەن جولىقتى. العاشقى كەزدەسۋدە باتە سىرت الاڭدا ولار قارسىلاسىنا 0:2 ەسەبٸمەن جول بەرسە, اراعا اپتا سالىپ ٶز الاڭىندا 2:2 ەسەبٸمەن تەڭ تٷستٸ. وسىلايشا, «استانادان» اينالىپ ٶتە العان جوق. ودان بۇرىن 2013 جىلى چەمپيوندار ليگاسى ەكٸنشٸ ٸرٸكتەۋ ساتىسىندا قاراعاندىنىڭ «شاحتەرىنا» ەسە جٸبەرگەن ەدٸ.
ەندٸ قارىمتا ويىن 29 تامىزدا بوريسوۆ قالاسىندا ٶتكٸزٸلەدٸ.
