Eýropa keńesi Máskeýdiń Ýkrainaǵa qarsy basqynshylyǵyna jaýap retinde Reseige salynǵan sanktsiialardy joiý máselesin qarastyryp jatyr. Bul týraly keńestiń bas hatshysy Týrbern Iagland britaniialyq Financial Times basylymyna habarlady. Iaglandtyń pikirinshe, Eýropa keńesiniń ókilderi uiymnyń basty mindeti - Reseide nemese Qyrymda bolsyn, "qurlyqtyń qai jerinde bolsa da" adam quqyǵyn qorǵaý ekenin umytpaýy tiis.
Resei Eýropa keńesiniń parlamenttik assambleiasynda 2015 jyly aiyrylyp qalǵan daýysqa ie bolý quqyǵyn qalpyna keltirýdi talap etedi. Iagland eger Reseidiń bul quqyǵy qalpyna keltirilmese, onda Resei uiym quramynan shyǵýy múmkin jáne ol adam quqyǵyn qorǵaýǵa keri áser etýi yqtimal dep qaýiptenedi.
Eýropa keńesiniń basshysy Resei men onyń azamattary úshin Adam quqyǵy jónindegi Eýropa konventsiiasy men Eýropa sotynyń mańyzy zor ekenin aitady. Financial Times-tiń maqalasynda Resei uiymnan shyqsa, 140 million reseilik Strasbýrg sotyna júginý múmkindiginen aiyrylatyny aitylady. Strasbýrg sotynda qaralyp jatqan isterdiń úshten biriniń Reseige qatysy bar.
Týrbern Iagland Reseige qarsy sanktsiialardy joiý máselesin qaraý - Eýropa keńesi "Qyrym anneksiiasyn moiyndaidy" degen sóz emes ekenin aitady.
