Sanitarlyq shekteýler jeńildegennen keiin Eýropa elderi qalypty ómirge qaita orala bastady, dep habarlaidy euronews.
Germaniiada «Eýropa-parki ashyldy». Parkke kirý úshin tek koronavirýsqa teris nátijesi týraly anyqtama bolýy kerek. Berlin-Brandenbýrgtiń joǵarǵy ákimshilik soty Germaniia astanasynda demalys kúnderi josparlanǵan koronavirýs shekteýlerine qarsy eki iri demonstratsiia ótkizýge tyiym salýdy rastady. Osyǵan orai, Berlin turǵyndary qalanyń eń kóne syra baǵy Prater-de demalýǵa múmkindik alady.
Al Frantsiiada mýzeiler men kinoteatrlardyń ashylǵanyna birneshe kún boldy. Frantsiia Prezidenti Emmanýel Makron pandemiia kezinde mádeniet salasyn qarjylandyrý 11 milliard eýrodan asqanyn aitty. Sondai-aq ol respýblikanyń barlyq 18 jastaǵy azamattary úshin 300 eýroǵa «Mádeni abonement» engizilgenin jetkizdi.
«Biz qiyn kezeńnen aman-esen shyǵýymyz úshin ata-analarymyzben jáne dostarymyzben kezdesýden bas tartýymyz kerek edi jáne bul ońaiǵa soqpady. Tabys kózi bolǵan kórermenderinen aiyrylǵan mádeniet qyzmetkerlerine de qiyn boldy. Bul kezeń ónerdi baǵalaityn otandastarymyz úshin de qiyn boldy», — dedi Frantsiia prezidenti.
Polshada mádeniet mekemeleri josparlanǵan merzimnen bir apta buryn ashylady. Kinoteatrlar men kontsert zaldary qaita ashylady. Tek áleýmettik alystatý siiaqty qatań sanitarlyq erejeler saqtalýy kerek.
Ispaniia Premer-ministri Pedro Sanches dúisenbiden bastap britan saiahatshylaryna shekteýlerdi alyp tastaitynyn málimdedi. Eýropalyq dári-dármekter agenttigi (EMA) nemese Dúniejúzilik densaýlyq saqtaý uiymy (DDSU) maquldaǵan jańa koronavirýsqa qarsy dári-dármektermen egilgen sheteldik týrister 7 maýsymnan bastap Ispaniiaǵa bara alady.
