Izrail biligi úkimet maquldasa, 1 maýsymnan bastap barlyq shekteýdi alyp tastaidy. Izrail – vaktsinalaý kampaniiasyn jyldam júrgizgen sanaýly elderdiń biri, qazir munda virýs juqtyrǵandar men odan qaitys bolǵandar kúrt azaiǵan.
Naýqastar azaiǵannan keiin bilik elde barlar men meiramhana jáne ózge de oryndardy ashty, biraq mundai oryndarǵa vaktsina alǵan nemese koronavirýstan saýyqqan adamdar ǵana bara alady. Eger jańa erejeni úkimet maquldap, kúshine ense, onda mundai oryndar barlyǵyna ashyq bolady.
Eýropanyń birqatar elderi maýsymnan bastap shekteýlerdi ala bastaidy. Ulybritaniia densaýlyq saqtaý ministri Mett Henkok "halyq saqtyqty esten shyǵarmasa, 21 maýsymnan bastap qalǵan shekteýlerdiń kúshi joiyla bastaidy" dep málimdedi.
Chehiia 14 maýsymnan bastap qoǵamdyq oryndarda, dámhana men meiramhanalarda, mádeni oshaqtarda karantindi azaitýǵa umtylyp jatyr. Úkimet bul usynysty 24 mamyrda talqylaidy.
Vengriia da koronavirýs boiynsha shekteýlerdi álsiretedi. 9,8 mln halqy bar bul elde vaktsina alǵandar sany demalys kúnderi 5 millionǵa jetti.
Densaýlyq saqtaý ministri Iens Span 23 mamyrda Germaniia indettiń úshinshi tolqynyna jol bermedi, biraq koronavirýs juqtyrǵandar sanyn azaitýǵa tiispiz, shekteýler birtindep azaiady dedi.
"Jaǵdai ońalyp jatyr, ekpe alǵandar kóbeidi, naýqastar azaidy. Shekteýler birinen soń biri alyna bastaidy. Bul uzaq ári kóńilsiz qysqy ailardan keiin óte mańyzdy. Biraq jazdy alańdamai ótkizý úshin bizge naýqastar sanyn tómendetý kerek" dedi ol.
AQSh-ta da virýs azaiǵan: qazir sońǵy 11 aida bolmaǵan tómen kórsetkishter tirkelip júr, elde ekpe alǵandarǵa maskasyz júrýge ruqsat etildi.
