يزرايل بيلٸگٸ ٷكٸمەت ماقۇلداسا, 1 ماۋسىمنان باستاپ بارلىق شەكتەۋدٸ الىپ تاستايدى. يزرايل – ۆاكتسينالاۋ كامپانيياسىن جىلدام جٷرگٸزگەن ساناۋلى ەلدەردٸڭ بٸرٸ, قازٸر مۇندا ۆيرۋس جۇقتىرعاندار مەن ودان قايتىس بولعاندار كٷرت ازايعان.
ناۋقاستار ازايعاننان كەيٸن بيلٸك ەلدە بارلار مەن مەيرامحانا جەنە ٶزگە دە ورىنداردى اشتى, بٸراق مۇنداي ورىندارعا ۆاكتسينا العان نەمەسە كوروناۆيرۋستان ساۋىققان ادامدار عانا بارا الادى. ەگەر جاڭا ەرەجەنٸ ٷكٸمەت ماقۇلداپ, كٷشٸنە ەنسە, وندا مۇنداي ورىندار بارلىعىنا اشىق بولادى.
ەۋروپانىڭ بٸرقاتار ەلدەرٸ ماۋسىمنان باستاپ شەكتەۋلەردٸ الا باستايدى. ۇلىبريتانييا دەنساۋلىق ساقتاۋ مينيسترٸ مەتت حەنكوك "حالىق ساقتىقتى ەستەن شىعارماسا, 21 ماۋسىمنان باستاپ قالعان شەكتەۋلەردٸڭ كٷشٸ جويىلا باستايدى" دەپ مەلٸمدەدٸ.
چەحييا 14 ماۋسىمنان باستاپ قوعامدىق ورىنداردا, دەمحانا مەن مەيرامحانالاردا, مەدەني وشاقتاردا كارانتيندٸ ازايتۋعا ۇمتىلىپ جاتىر. ٷكٸمەت بۇل ۇسىنىستى 24 مامىردا تالقىلايدى.
ۆەنگرييا دا كوروناۆيرۋس بويىنشا شەكتەۋلەردٸ ەلسٸرەتەدٸ. 9,8 ملن حالقى بار بۇل ەلدە ۆاكتسينا العاندار سانى دەمالىس كٷندەرٸ 5 ميلليونعا جەتتٸ.
دەنساۋلىق ساقتاۋ مينيسترٸ يەنس سپان 23 مامىردا گەرمانييا ٸندەتتٸڭ ٷشٸنشٸ تولقىنىنا جول بەرمەدٸ, بٸراق كوروناۆيرۋس جۇقتىرعاندار سانىن ازايتۋعا تيٸسپٸز, شەكتەۋلەر بٸرتٸندەپ ازايادى دەدٸ.
"جاعداي وڭالىپ جاتىر, ەكپە العاندار كٶبەيدٸ, ناۋقاستار ازايدى. شەكتەۋلەر بٸرٸنەن سوڭ بٸرٸ الىنا باستايدى. بۇل ۇزاق ەرٸ كٶڭٸلسٸز قىسقى ايلاردان كەيٸن ٶتە ماڭىزدى. بٸراق جازدى الاڭداماي ٶتكٸزۋ ٷشٸن بٸزگە ناۋقاستار سانىن تٶمەندەتۋ كەرەك" دەدٸ ول.
اقش-تا دا ۆيرۋس ازايعان: قازٸر سوڭعى 11 ايدا بولماعان تٶمەن كٶرسەتكٸشتەر تٸركەلٸپ جٷر, ەلدە ەكپە العاندارعا ماسكاسىز جٷرۋگە رۇقسات ەتٸلدٸ.
