Eýropada dárilik zattardy retteýshi (EMA) beisenbi kúni AstraZeneca vaktsinasynyń qaýipsiz ári tiimdi ekenin rastaǵannan keiin Eýropa elderi bul vaktsina saldyrtýdy qaita bastap jatyr. Bul týraly BBC aqparattyq agenttigi habarlady.
Mamandar bul qorytyndyny AstraZeneca preparatyn saldyrtqan Eýropa elderi turǵyndarynda trombtar paida bolýynyń tirkelgen oqiǵalaryn zerttegen soń jasady.
Beisenbi kúni EMA AstraZeneca vaktsinasy men keibir patsientterde tromboz oqiǵalarynyń arasynda bailanys tappaǵanyn málimdedi. Jumadan bastap AstraZeneca vaktsinasyn qaita qoldana bastaityn elderdiń qatarynda Frantsiia, Germaniia, Italiia, Portýgaliia, Latviia jáne Litva bar.
Niderlandy AstraZeneca vaktsinasyn kelesi aptadan bastap qoldana bastaidy. El biligi bir aptalyq úzilis saldarynan 110 myń adam ekpeniń josparlanǵan dozasyn almaǵanyn málimdedi.
Eske salsaq, Shvetsiia AstraZeneca vaktsinasyn qoldanýdy toqtatty. Sonymen qatar Eýropanyń birqatar eli AstraZeneca vaktsinasyn qoldanýdan ýaqytsha bas tartqan edi.
