Portýgaliia memleketiniń Lissabon kalasynda djiý-djitsý sheberleri (IBJJF) arasynda álemniń 100 elinen 5000-ǵa jýyq qatysýshylar arasynda Eýropa ashyq chempionaty ótti.
Jeti kúnge sozylǵan dodada elimizdiń namysyn qorǵaǵan Áset Qydyrbaev 82,3 keli salmaq dárejesinde Gollandiia, Braziliia, Polsha, Angliia sporshylarymen kúsh synasyp, óz salmaǵyndaǵy 24 qatysýshydan dara bolyp, qola júldege ie boldy.
El mereiin ústem etken batyrdyń jattyqtyrýshy – Kýtjanov Marat.
Búgin Eýropa chempionatynyń qola júldegeriÁset Qydyrbaev Nur-Múbarak Egipet islam mádenieti ýniversitetine kelip, prorektor, islamtaný ǵylymy boiynsha PhD doktor, dotsent Qairat Qurmanbaevpen kezdesti.
Eske salsaq, Áset Bektursynuly Nur-Múbarak ýniversitetindegi «Islamtaný» fakýltetiniń 2013 jylǵy túlegi.
Kezdesý barysynda «Ustazyn ulyqtai bilmegen adamnyń qolynan eshýaqytta ulylyq kelmeidi», degen sózdi jadynda saqtaǵan jeńimpaz Á. Qydyrbaev ustazdaryna rahmetin aityp, aq batasyn aldy.
Sondai-aq ýniversitettiń prorektory Q.Qurmanbaev shákirtin jeńisimen quttyqtai kele, «Sáýir aiynyń basynda BAÁ ótetin álem chempionatynda baǵyń men babyń kelisti bolyp, jeńis tuǵyrynan kóreiik!», dep izgi nieti men aq tilegin bildirdi.
Nur-Múbarak Egipet islam mádenieti
ýniversitetiniń baspasóz hatshysy
