Fýtboldan Eýropa chempionatynyń finaldyq satysyndaǵy toptyq kezeńi ekinshi týrynda Túrkiia men Ýels quramalary kezdesti, dep habarlaidy "Ult aqparat".
Eske salsaq, atalǵan eki qurama A tobynda synǵa túsedi. Qarsylastary – Italiia jáne Shveitsariia.
Alǵashqy týrda Túrkiia Italiiaǵa 0:3 esebimen jol berse, Ýels Shveitsariiamen 1:1 esebimen teń oinady.
Eki qurama buǵan deiin alty márte kezdesken. Onyń úsheýinde ýelstikter jeńiske jetip, ekeýinde túrkiialyqtar basym tússe, eki oiynda teń nátije tirkeldi.
Aita keterligi, ekeýi sońǵy márte 27 jyl Eýropa chempionaty irikteý kezeńinde kezdesip, ol oiynda túrkiialyq fýtbolshylar 6:4 esebimen jeńis toiyn toilady.
Búgingi kezdesýde eki quramanyń da jeńiske jetetin múmkindigi zor boldy. Oiynnyń 42-minýtynda ýelstik Aaron Remsi esep ashsa, 90-minýtta onyń otandasy Konnor Roberts qorytyndy esepti belgiledi.
Osylaisha Ýels qarsylasynan 2:0 esebimen basym tústi. Bul jeńisinen keiin óz tobynda ázirge kósh basyna shyqty.
Endi A tobyndaǵy taǵy bir kezdesýde elorda ýaqytymen 00.50-de Italiia men Shveitsariia quramalary kezdesedi.
Atalǵan toptaǵy úshinshi týr oiyndary 20 maýsymda ótkiziledi. Bul kúni Shveitsariia men Túrkiia, Ýels pen Italiia sheberlik baiqasady.
