Fýtboldan Eýropa chempionatynyń úzdik oiynshysy anyqtaldy, dep habarlaidy "Ult aqparat".
UEFA búkil oiynshylardyń múmkindigin saraptai otyryp bul ataqqa Italiia quramasynyń qaqpashysy Djanlýidji Donnarýmma laiyq degen qorytyndyǵa keldi.
Qaqpashy óziniń nebári 22 jasta ekenine qaramastan ulttyq qurama sapynda 33 kezdesýde jasyl alańǵa shyǵyp úlgergen.
Ol biylǵy qurlyqtyq doda finalyndaǵy penalti seriiasynda eki soqqyny qaitardy.
Osylaisha Italiianyń Angliiany jeńýine úles qosyp, jeńimpaz tuǵyrynan kórindi.
Aita keteiik, Djanlýidji Donnarýmma Eýropa chempionatynda óz quramasynyń negizgi qaqpashysy boldy.
Tek toptyq kezeńdegi Ýelspen ótken jeńisti oiyn sońynda ony áriptesi Salvatore Sirigý almastyrdy.
Ol qurlyqtyq dodada 719 minýt jasyl alań tórinen kórindi. Bul - atalǵan týrnirge qatysqan barlyq fýtbolshydan joǵary kórsetkish.
Sondai-aq, ol toptyq kezeńde óziniń qaqpasyna bir de bir gol jibergen joq.
