فۋتبولدان ەۋروپا چەمپيوناتىنىڭ ٷزدٸك ويىنشىسى انىقتالدى, دەپ حابارلايدى "ۇلت اقپارات".
UEFA بٷكٸل ويىنشىلاردىڭ مٷمكٸندٸگٸن ساراپتاي وتىرىپ بۇل اتاققا يتالييا قۇراماسىنىڭ قاقپاشىسى دجانلۋيدجي دوننارۋمما لايىق دەگەن قورىتىندىعا كەلدٸ.
قاقپاشى ٶزٸنٸڭ نەبەرٸ 22 جاستا ەكەنٸنە قاراماستان ۇلتتىق قۇراما ساپىندا 33 كەزدەسۋدە جاسىل الاڭعا شىعىپ ٷلگەرگەن.
ول بيىلعى قۇرلىقتىق دودا فينالىنداعى پەنالتي سەريياسىندا ەكٸ سوققىنى قايتاردى.
وسىلايشا يتالييانىڭ انگلييانى جەڭۋٸنە ٷلەس قوسىپ, جەڭٸمپاز تۇعىرىنان كٶرٸندٸ.
ايتا كەتەيٸك, دجانلۋيدجي دوننارۋمما ەۋروپا چەمپيوناتىندا ٶز قۇراماسىنىڭ نەگٸزگٸ قاقپاشىسى بولدى.
تەك توپتىق كەزەڭدەگٸ ۋەلسپەن ٶتكەن جەڭٸستٸ ويىن سوڭىندا ونى ەرٸپتەسٸ سالۆاتورە سيريگۋ الماستىردى.
ول قۇرلىقتىق دودادا 719 مينۋت جاسىل الاڭ تٶرٸنەن كٶرٸندٸ. بۇل - اتالعان تۋرنيرگە قاتىسقان بارلىق فۋتبولشىدان جوعارى كٶرسەتكٸش.
سونداي-اق, ول توپتىق كەزەڭدە ٶزٸنٸڭ قاقپاسىنا بٸر دە بٸر گول جٸبەرگەن جوق.
