Búgin fýtboldan 2020 jylǵy Eýropa chempionatynyń finaldyq kezeńi jalaýyn kóterdi, dep habarlaidy "Ult aqparat".
Atalǵan týrnirdiń shymyldyǵy Túrkiia jáne Italiia quramalarynyń kezdesýimen ashyldy. Oiyn Italiia astanasy Rim qalasyndaǵy Olimpiada stadionynda ótti.
Aita keteiik, eki qurama buǵan deiin 14 márte kezdesken.
Onyń 10-ynda italiialyq fýtbolshylar basym tússe, 4-eýinde qos qurama teń nátijeni qanaǵat tutqan.
Túrkiialyq fýtbolshylar atalǵan qarsylasynan eshqashan basym túsip kórgen emes.
Búgingi oiynda da italiialyq fýtbolshylar basymdyǵyn tanytty. Kezdesýdiń alǵashqy minýtynan tizgindi óz qolyna alýǵa tyrysty. Nátijesinde alǵashqy bolyp esep ashty.
Ony 53-minýtta túrkiialyq Merih Demiral óziniń qaqpasyna soǵyp aldy.
Al 66-minýtta Chiro Immobile esepti ústemelei tústi. Al 79-minýtta italiialyq taǵy bir fýtbolshy Lorentso Insine mergendik tanytty.
Kezdesýde Italiia qarsylasynan 3:0 esebimen basym tústi.
Aita keteiik, eki qurama A tobynda synǵa túsedi. Qarsylastary - Ýels, Shveitsariia jáne Italiia.
Eýropa birinshiligi oiyndary búgin, 12 maýsymda jalǵasady.
Bul kúni A tobynda Ýels pen Shveiiariia (saǵat 18:50), V tobyndaǵy Daniia men Finliandiia (saǵat 21:50), Belgiia men Resei (saǵat 00:50) quramalary kezdesedi.
