Búgin fýtboldan Eýropa chempionaty jartylai finalyna joldama alǵan alǵashqy qurama anyqtaldy, dep habarlaidy "Ult aqparat".
Shirek final satysynda búginge eki oiyn josparlanǵan.
Alǵashqysynda Shveitsariia men Ispaniia sheberlik baiqasty.
Eki qurama buǵan deiin 24 márte kezdesti. Onyń 18-de Ispaniia basym túsip, 1-de Shveitsariia jeńse, qalǵanynda teń esep tirkeldi.
2010 jyldyń 16 maýsymynda álem chempionaty finaldyq satysynda Shveitsariia atalǵan qarsylasynan 1:0 esebimen jeńilgen bolatyn.
Búgingi oiynda shveitsariialyq fýtbolshylar jeńiske jetý jolyn izdedi. Kezdesýdiń bastapqy kezeńinde ispaniialyq qurama belsendiligi baiqalyp turdy.
Nátijesinde 8-minýtta olardyń tepken doby shveitsariialyq Denis Zakariiaǵa tiip, baǵytyn ózgertti. Osylaisha olar ózderiniń qaqpasyna avtogol soǵyp aldy.
Ekinshi kezeńniń 68-minýtynda shveitsariialyq Sherdan Shakiri tarazy basyn teńestirip ketti.
Budan keiin olardyń qatarynan Remo Froiler qyzyl qaǵaz alyp, alańnan qýyldy. Shveitsariia budan keiin qorǵanysqa ketken joq. Qolaily sátterde alǵa qarai umtyldy.
Oiynnyń negizgi kezeńinde 1:1 esebi tirkeldi. Kezdesý overtaimǵa ulasty. Overtaimda da jeńimpaz anyqtalǵan joq.
Penalti seriiasynda ispaniialyq fýtbolshylardyń joly bolyp, jartylai finalǵa shyqty.
Endi olar jartylai finalda 6 shildede Belgiia men Italiia jubynyń jeńimpazymen jasyl alańǵa shyǵady.
Búgingi taǵy bir kezdesýde Belgiia men Italiia quramalary jasyl alańǵa shyǵady. Oiyn elorda ýaqytymen 00.50-de bastalyp, «Qazaqstan» telearnasynan tikelei efirde kórsetiledi.
Sondai-aq, jarystyń atalǵan satysynda 3 shildede Chehiia men Daniia, Ýkraina men Angliia quramalary kezdesedi.
