بٷگٸن فۋتبولدان ەۋروپا چەمپيوناتى جارتىلاي فينالىنا جولداما العان العاشقى قۇراما انىقتالدى, دەپ حابارلايدى "ۇلت اقپارات".
شيرەك فينال ساتىسىندا بٷگٸنگە ەكٸ ويىن جوسپارلانعان.
العاشقىسىندا شۆەيتسارييا مەن يسپانييا شەبەرلٸك بايقاستى.
ەكٸ قۇراما بۇعان دەيٸن 24 مەرتە كەزدەستٸ. ونىڭ 18-دە يسپانييا باسىم تٷسٸپ, 1-دە شۆەيتسارييا جەڭسە, قالعانىندا تەڭ ەسەپ تٸركەلدٸ.
2010 جىلدىڭ 16 ماۋسىمىندا ەلەم چەمپيوناتى فينالدىق ساتىسىندا شۆەيتسارييا اتالعان قارسىلاسىنان 1:0 ەسەبٸمەن جەڭٸلگەن بولاتىن.
بٷگٸنگٸ ويىندا شۆەيتسارييالىق فۋتبولشىلار جەڭٸسكە جەتۋ جولىن ٸزدەدٸ. كەزدەسۋدٸڭ باستاپقى كەزەڭٸندە يسپانييالىق قۇراما بەلسەندٸلٸگٸ بايقالىپ تۇردى.
نەتيجەسٸندە 8-مينۋتتا ولاردىڭ تەپكەن دوبى شۆەيتسارييالىق دەنيس زاكاريياعا تيٸپ, باعىتىن ٶزگەرتتٸ. وسىلايشا ولار ٶزدەرٸنٸڭ قاقپاسىنا اۆتوگول سوعىپ الدى.
ەكٸنشٸ كەزەڭنٸڭ 68-مينۋتىندا شۆەيتسارييالىق شەردان شاكيري تارازى باسىن تەڭەستٸرٸپ كەتتٸ.
بۇدان كەيٸن ولاردىڭ قاتارىنان رەمو فرويلەر قىزىل قاعاز الىپ, الاڭنان قۋىلدى. شۆەيتسارييا بۇدان كەيٸن قورعانىسقا كەتكەن جوق. قولايلى سەتتەردە العا قاراي ۇمتىلدى.
ويىننىڭ نەگٸزگٸ كەزەڭٸندە 1:1 ەسەبٸ تٸركەلدٸ. كەزدەسۋ وۆەرتايمعا ۇلاستى. وۆەرتايمدا دا جەڭٸمپاز انىقتالعان جوق.
پەنالتي سەريياسىندا يسپانييالىق فۋتبولشىلاردىڭ جولى بولىپ, جارتىلاي فينالعا شىقتى.
ەندٸ ولار جارتىلاي فينالدا 6 شٸلدەدە بەلگييا مەن يتالييا جۇبىنىڭ جەڭٸمپازىمەن جاسىل الاڭعا شىعادى.
بٷگٸنگٸ تاعى بٸر كەزدەسۋدە بەلگييا مەن يتالييا قۇرامالارى جاسىل الاڭعا شىعادى. ويىن ەلوردا ۋاقىتىمەن 00.50-دە باستالىپ, «Qazaqstan» تەلەارناسىنان تٸكەلەي ەفيردە كٶرسەتٸلەدٸ.
سونداي-اق, جارىستىڭ اتالعان ساتىسىندا 3 شٸلدەدە چەحييا مەن دانييا, ۋكراينا مەن انگلييا قۇرامالارى كەزدەسەدٸ.
