Fýtboldan Eýropa chempionatynyń finaldyq satysyndaǵy toptyq kezeńde Ispaniia men Shvetsiia quramalary kezdesti, dep habarlaidy "Ult aqparat".
Atalǵan eki komanda E tobynda synǵa túsedi. Qarsylastary – Slovakiia jáne Polsha quramalary.
Eki qurama buǵan deiin 18 márte kezdesken. Onyń jeteýinde ispaniialyqtar jeńiske jetse, tórteýinde teń nátije tirkelip, qalǵanynda shvetsiialyqtar basym tústi.
Jankúierler atalǵan oiynda qos qarsylastyń qaisysy jeńetinine qyzyǵýshylyq bildirdi. Ekeýi de káriqurlyqtaǵy bedeldi quramalar qatarynda sanalady.
Dese de eki qurama terezesi teń deńgeide oiyn kórsetti. Bir-biriniń qaqpasynan sańylaý taba alǵan joq. Kezdesý 0:0 esebimen teń aiaqtaldy.
Eske salsaq, atalǵan topta Slovakiia Polshadan 2:1 esebimen basym tústi.
Endi atalǵan toptaǵy kelesi týr oiyndary 18 jáne 19 maýsym kúnderi ótkiziledi. Aldymen 18 maýsymda Ispaniia men Polsha, 19 maýsymda Shvetsiia men Slovakiia sheberlik baiqasady.
Biylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady. Fýtboldan Eýropa chempionaty 11 maýsymda bastaldy, ol 11 shildede máresine jetedi.
