Fýtboldan Eýropa chempionatynyń finaldyq satysynda Daniia men Finliandiianyń kezdesýinde daniialyq jartylai qorǵaýshy Kristian Eriksen jasyl alańda esin joǵaltyp, qulap qaldy, dep habarlaidy "Ult aqparat".
Qos qurama arasyndaǵy tartys Daniia astanasy Kopengagen qalasyndaǵy «Parken» stadionynda ótip jatyr.
Eriksenge dárigerler jasyl alań ústinde alǵashqy meditsinalyq kómek kórsetti. Sodan keiin ony arnaiy tehnikamen stadion ishine alyp ketti.
Qazir Daniia men Finliandiia matchynda ýaqytsha úzilis. Oiynnyń ári qarai jalǵasýy jóninde tiisti sheshim qabyldanatyn bolady.
Atalǵan dop dodasy 2020 jyly 12 maýsym men 12 shilde aralyǵynda ótkizilýi josparlanǵan. Byltyr álemdi jailaǵan koronavirýs infektsiiasyna bailanysty ol bir jylǵa keiin shegerildi. Oiyndar dúbirli doda tarihynda tuńǵysh ret Eýropanyń 10 memleketinde ornalasqan 11 stadionda bolady.
